Premer-Mınıstr múmkindikteri shekteýli jandardyń quqyqtaryn qamtamasyz etý jáne ómir súrý sapasyn jaqsartýdan turatyn áleýmettik máseleniń mańyzdylyǵyn atap ótti.
«Múmkindikteri shekteýli adamdardy áleýmettik qorǵaý máseleleri jyl saıyn qaralady. Bul óte mańyzdy másele. Memleket basshysy óz Joldaýynda múmkindikteri shekteýli adamdar úshin kedergisiz orta qurý qajettigine basa nazar aýdardy. zamattardyń qoǵam ómirine
belsendi atsalysýy, bilim alýy, eńbek etýi, sapaly medısınalyq qyzmet alýy óte mańyzdy», — dedi B. Saǵyntaev.
Premer-Mınıstrdiń aıtýynsha, bıyl múgedekterdiń quqyqtaryn qamtamasyz etý jáne ómir súrý sapasyn jaqsartý boıynsha is-sharalar jospary aıaqtalady. Sondyqtan Eńbek jáne halyqty áleýmettik qorǵaý mınıstrligi jyldyń sońyna deıin jańa Jospar ázirleýi kerek. Josparda árbir shara boıynsha ındıkatorlar men naqty merzimder kórsetilýi tıis.
Densaýlyq saqtaý mınıstrligine múgedektiktiń kóbeıý sebepterine taldaý júrgizip, oǵan ákelip soǵatyn aýrýlardyń aldyn alý jáne medısınalyq ońaltý sapasyn arttyrý boıynsha sharalar ázirleý tapsyryldy.
Bilim jáne ǵylym mınıstrligi mektepter, kolledjder men joǵary oqý oryndaryna erkin qol jetkizý arqyly barlyq jerlerde ınklıýzıvti bilim berýdi engizýdi qamtamasyz etý tapsyryldy.
