Parlament Senatynyń Tóraǵasy Qasym-Jomart Toqaev Álemdik jáne dástúrli dinder kóshbasshylarynyń keńesiniń úshinshi otyrysy jumysyn bastady.
«Álemdik jáne dástúrli dinder kóshbasshylarynyń Astana seziniń ıdeıalary men bastamalaryna turaqty qoldaý kórsetip, onyń joǵarǵy basqarýshy organdary dinı kóshbasshylarynyń keńesiniń jumysyna qatysyp otyrǵandaryńyz úshin barshańyzǵa alǵysymdy bildiremin. Keńesimizdiń joǵary jáne bedeldi quramy órkenıet aralyq jáne dinaralyq yntymaqtastyqtyń jańa ıdeıalaryn ilgeriletip, túpki maqsaty qoǵamdar men memleketterdegi beıbitshilik pen qaýipsizdikti nyǵaıtýdy kózdeıtin is-sharalardy iske asyrý baǵdarlamalaryn ázirleýi qajet.
Q. Toqaev dinaralyq qatynastardyń qarqyndy damýy sezd jáne onyń keńesi qyzmetiniń basty jetistigi dep aıtty.
Atap aıtqanda forým dinaralyq sammıttiń negizgi qatysýshylarynyń ózara pikir almasýdaǵy erik-jigerin olardyń bir-birine degen senimimen birlesip, is-qımyl jasaý kezinde oryn alatyn máselelerge qatysty ortaq kózqarasyn qalyptastyrady. Sizderdiń qoǵam aldyndaǵy ıgzi qyzmetterińizdiń arqasynda rýhanı álem men dinı dástúrler qalyń jurtshylyqqa keńinen taratýda», dedi Senat Tóraǵasy.
Jer jahanda bolyp jatqan shıelenisterdi sheshýge múddeli VI sezd tórt negizgi baǵyt boıynsha ótedi:
- «Álem. HHI ǵasyr manıfesi» jahandyq qaýipsizdik tujyrymdamasy retinde»;
- «Qubylmaly geosaıasat jaǵdaıyndaǵy dinder: adamzatty biriktirýge arnalǵan jańa múmkindikter»;
- «Din jáne jahandaný: syn-tegeýrinder men jaýaptar»;
- «Din kóshbasshylary men saıası qaıratkerler ekstremızm men terrorızmdi eńserý jolynda»
Sezd hronologııasy:
2003, 2006, 2009, 2012 jáne 2015 jyldary Astana qalasynda ótken álemdik jáne dástúrli dinder kóshbasshylarynyń tórt sezine ıslam, hrıstıan, ıýdaızm, býddızm, sıntoızm, daosızm jáne ózge de dástúrli dinderdiń basshylary men kórnekti ókilderi qatysty.
Aqmaral AǴZAMQYZY,
«Egemen Qazaqstan»
