О́z taýarlarymyz kóbeıe tústi

11 aıda shaǵyn jáne orta bıznes sýbektileri óndirgen ónim kólemi 2,5 paıyzǵa artty. Kásiporyndar sany Qazaqstanda 2011 jyldyń qańtar-qazan aılarynda 4,2 paıyzǵa ulǵaıdy. Búginde elde belsendi jumys isteıtin ShOB sýbektileri sany 695 635 birlikti quraıdy. Mundaı tendensııa, halyqaralyq sarapshylardyń aıtýynsha, eldegi bıznes-ahýaldyń jaqsarýynan paıda bolǵan. Barlyǵy táýelsizdik jyldarynda shaǵyn jáne orta bıznes sýbektileri 35 eseden astamǵa artty, dep atap ótti Prezıdent Nur­sul­tan Nazarbaev 15 jeltoqsanda Táýelsiz­diktiń 20 jyldyǵyna arnalǵan saltanatty jınalysta. 1993 jylǵy 19 myńnan 2011 jyly 671 myńǵa deıin ulǵaıdy. Bizdiń 2 mıllıonnan astam azamattarymyz osy salada ózderine jumys tapty. Sońǵy 10 jylda ekonomıkanyń osy sektorynyń shyǵarǵan ónimderi 20 ese ósip, búginde 7 trıllıon teńgeni quraıdy. Bıyl Búkilálemdik banktiń reıtınginde Qazaqstan bıznes júrgizýde, TMD-nyń búkil elderin artqa qaldyra otyryp, qurmetti 47-shi oryn aldy, dedi Memleket basshysy. Búkilálemdik bank pen Halyqaralyq qar­jy korporasııasynyń baǵalaýy boıynsha, «Bız­nesti júrgizý-2012» reıtınginde Qazaq­stan shetel ınvestorlary úshin Ortalyq Azııadaǵy neǵurlym tartymdy el bolyp ta­bylady. «Qazaqstan múddeli jaqtar arasyn­daǵy mámilelerdi qýattaýǵa qatysty talap­tardy ózgertip jáne múddeli jaqtar ara­syndaǵy mámilelerden olqylyq shyqqan jaǵ­daıda talap-aryz berý úderisin jeńilde­tip, ınvestorlar quqyn qorǵaýdy kúsheıtti», delingen Búkilálemdik banktiń baıandama­synda. Elimiz 11 satyǵa kóterilip, 47-shi oryn aldy – bul TMD elderi arasyndaǵy eń jaqsy kórsetkishterdiń biri. «Doing Business» reıtınginde kásipkerlik qyzmetti retteý jáne ınvestorlardyń quqyqtary men múddelerin qorǵaý jónindegi reformalardy engizýge, sol sııaqty 183 eldiń jergilikti kompanııalaryna yqpal etetin retteýshi normalarǵa baǵa beriledi. Bútindeı alǵanda, kóptegen pozısııalar boıynsha, tipti salyq salý men ákimshilendirý sııaqty bólik­te de oń nátıjeler alyndy, dedi Kárim Másimov 15 qarashadaǵy Úkimet otyrysynda. Sonymen birge, ol eki ındıkator boıynsha Qazaqstan pozısııasynyń joǵary emes ekenin atap ótti. Júrgizilgen jumystarǵa qara­mas­tan «Qurylysqa ruqsat alý» jáne «Halyq­aralyq saýda» ındıkatorlary boıynsha respýblıka tıisinshe 147 jáne 176-shy oryndar alady. Qurylys jáne turǵyn úı-kommýnal­dyq sharýashylyq isteri agenttigi bazasynda top quryp, qurylys boıynsha qomaqty nátıjelerge jetýimiz úshin túbe­geıli sharalar qabyldaý qajet, dedi Úkimet basshysy. Ol nátıjelerdi jaqsartý úshin belgili bir usynystar ázirlep, engizý jóninde Ekono­mıkalyq damý jáne saýda mınıstrligine Qarjy mınıstrligimen birlese jumys isteýdi tapsyrdy. Onyń syrtynda Qarjy mınıstrligine eń qysqa merzimde elektrondy deklarasııaǵa kóshýdi júktedi. Búginde Qazaqstanda kásiporyndar óndi­re­tin ónimder kólemi 2,5 paıyzǵa artty, bul jóninde Ekonomıkalyq damý jáne saýda mınıstri Qaırat Kelimbetov 28 jeltoqsandaǵy Úkimettiń qorytyndy otyrysynda habar­lady. Kásipkerlik damýynyń neǵurlym jaqsy kórsetkishteri Soltústik Qazaqstan, Qostanaı, Aqmola oblystarynda baıqalady, dedi ol. Sonymen birge, Astanada qalanyń statıstıka departamentiniń málimetteri boıynsha, rynokta belsendi jumys isteıtin shaǵyn jáne orta kásipkerlik sýbektileriniń sany 2011 jyldyń 1 jeltoqsanyna qarasty 44,4 paıyzǵa artyp, 38926 birlikti quraǵan. Soń­ǵy 2 jylda Astanada shaǵyn kásiporyndar­dyń 10,8 myń, belsendi kásiporyndardyń 7,4 myń birlikke tómendeý dınamıkasynyń baıqalyp otyrǵanyn atap kórsetý qajet. Statıstıka agenttiginiń málimetteri boıyn­sha ońtústik Astanadaǵy belsendi jumys  isteıtin kásiporyndar sany tirkelgen kásip­oryndardyń 50,2 paıyzyn quraıdy. Zarına KÁRIMOVA.