Joldaýda qazaqstandyqtardyń áleýmettik jaǵdaılaryn jaqsarta otyryp, ómir súrý sapasyn joǵary deńgeıge kóterýge basymdyq berilgen. Ol úshin árbir azamat turaqty jumyspen qamtamasyz etilip, otbasylyq kiris kózderiniń birkelkiligi saqtalýy qajet. Sonda eldiń ishki áleýmettik damý kórsetkishi turaqtalyp, memlekettik turǵydaǵy áleýetimiz arta túsedi.
Elbasynyń sońǵy Joldaýynda aıqyndalǵan baǵyt-baǵdarlar boıynsha jumystar tıisti deńgeıde júzege asyrylsa, Qazaqstan azamattarynyń turmysy túzelýi jalǵasyn taba túsedi. Alaıda, mundaı tapsyrmalardy tııanaqty oryndaý ońaı sharýa bolmasy taǵy bar. Bul rette qoǵamdyq tártipti qamtamasyz etý isinde quqyqtyq tártip áskerleriniń árbir is-áreketi aıryqsha mańyzǵa ıe. Oǵan Prezıdent N.Nazarbaevtyń ózi jiti kóńil bólip, áskerılerdiń áleýmettik jaǵdaılarynyń oń sheshilýine memlekettik turǵydan zor qoldaý kórsetilip keledi. Eń bastysy, «Turǵyn úı qatynastary týraly» zańǵa ózgerister men tolyqtyrýlar engizilip, turǵyn úımen qamtamasyz etý máselesi túıinin tarqatýda. Sondaı-aq áskerılerdiń biliktilik sanaty úshin de qosymsha qarjy bólindi. Muny áskerı mamannyń jaýyngerlik qyzmetti atqarý barysynda yntalandyrý tetigi retinde qarastyrǵan jón.
О́ıtkeni, «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýynda Memleket basshysy qoǵam tarapynan bildirilgen senim deńgeıi jáne halyqtyń ózin qaýipsiz sezinýi polısııa jumysyn baǵalaýdyń negizgi ólshemderi bolýǵa tıis ekendigin aıryqsha atap ótti. Sol maqsatta «Qazaqstannyń búkil qalalaryn qoǵamdyq qaýipsizdikke monıtorıng júrgizý júıelerimen jabdyqtaý kerek» dedi N.Nazarbaev.
Sonymen qatar, bıylǵy Joldaýda Prezıdent elimizdiń álemdik qaýymdastyq aldyndaǵy abyroı-bedeli men baǵyndyrǵan belesterin de tilge tıek etti. Osyǵan oraı, Qazaqstannyń ishki qaýipsizdigin qamtamasyz etýdegi negizgi kúshtik qurylym retinde Ulttyq ulan alys-jaqyn eldermen áriptestigin tereńdetip, halyqaralyq sheńberde tájirıbe almasý isin ilgeriletip keledi.
Aıtalyq, osy jyldyń ózinde-aq, Ulttyq ulan Bas qolbasshylyǵynyń qolbasshylyǵy Túrkııa Respýblıkasynyń Jandarmerııasynyń basshylyǵymen resmı kezdesý ótkizip, ózara yntymaqtastyqtyń jaı-kúıin talqylady. Sol sııaqty áskerı baǵytta bilim berý isi men mamandardy oqytý máselesin de ortaq sheshim taýyp, tipti, Jandarmerııa men áskerı dárejeli quqyq qorǵaý organdarynyń Jerorta teńizi men eýropalyq qaýymdastyǵy (FIEP) uıymymen áriptestikti nyǵaıtý týraly da mámiles jasasty. Oǵan qosa, Reseı Federasııasynyń ulttyq ulany, Qytaı Halyq Respýblıkasynyń Halyqtyq qarýlanǵan polısııasy, Ázerbaıjan men Belarýs Respýblıkalarynyń IIM ishki áskerleri vedomstvolarymen ekijaqty yntymaqtastyq júıeli túrde nyǵaıyp keledi.
Jalpy, bıylǵy Joldaýda elimizdiń ekonomıkalyq damýy men qoǵamdyq-áleýmettik áleýetimizdiń artýy úshin kez-kelgen salada kásibı biliktilikke basymdyq berilgenin eskersek, Ulttyq ulannyń áskerı ıdeologııalyq baǵyty Prezıdent Joldaýynda kórsetilgen baǵyt-baǵdarlarmen ózara ushtastyrylǵan. Ulttyq ulannyń 2017-2019 jyldarǵa arnalǵan damý baǵdarlamasyna saı, Qolbasshylyqtyń barlyq quramynda «2018 jyl – kásibı biliktilik jyly» retinde bekitilip, áskerılerdiń kásibı-biliktilik daıyndyǵyn arttyrýǵa basa kóńil bólinýde. Sebebi, daıyndyǵy myǵym, biliktiligi joǵary maman kez-kelgen sátte týyndaǵan máseleniń sheshimin ońaı taýyp, túıinde tez tarqatatyny belgili.
Rýslan JAQSYLYQOV,
Ulttyq ulanynyń Bas qolbasshysy
