Kıno • 10 Qazan, 2018

Apta fılmi: «Aıdaǵy adam»

325 ret kórsetildi

Kınosúıer qaýym 11 qazannan bastap el kınoteatrlarynan kóre alady.

Fılm aıǵa alǵash aıaq basqan adam Nıl Armstrongtyń ómirbaıanynan syr shertedi. Onyń ǵarysh ekıpajyn bastaǵan bir qadamy ótken ǵasyrdyń alpysynshy jyldaryndaǵy adamzat dáýirin jańa kezeńge kóshirdi.

Kartınanyń qoıýshy rejısseri «La-La Lend» mıýzıklimen jarq etip, kóptiń alqaýyna ıe bolǵan Demen Shazell. Tipti sol mıýzıklde basty róldi somdaǵan Raıan Goslıng bul joly da jańa týyndydan shet qalǵan joq. Barlyǵymyz súıip tyńdaǵan sol «La-la lend» sanýdtreginiń avtory Djastın Hýrvıs atalǵan fılmniń mýzykasyn bastan-aıaq jazyp shyqty.

Demen Shazelldiń rejısserligimen túsirilgen fılm jelisi qashanǵydaı qarapaıym keledi. 1961 jyl. Armstrong (Raıan Goslıng) - NASA-nyń qarapaıym tájirıbeli ınjeneri, únemi synaq reısterdi oryndap úırengen. Kishi qyzynyń qaterli isik aýrýynan qaıtys bolýy ushqyshtyń qabyrǵasyn qaıystyryp-aq ketedi. Osydan soń «Egizder» atty ǵaryshqa ushý baǵdarlamasyna qatysýdy jón kórip, ótinish tastaıdy. «Naǵyz qyzyqtar endi bastalady», degen áıeliniń (Kler Foı) bir aýyz sózi mehnatty sapardyń kirispesi syqyldy estilip, jańa bir dáýirdiń túbegeıli ózgerisin qol qýsyra kútýden basqa amalyńyz qalmaıdy.

Amerıkanyń ǵaryshty jaýalap alýy týraly eposqa Shazell qandaı da bir jańa kózqaras bildirmeıdi. Máselen, «Apollon» ekıpajy músheleri – Rodjer Shaff, Ed Ýaıt pen Gýs Grısstyń qaıtys bolýyn adamzat damýyna qajet qurbandyq retinde kórsetken. Aqyr sońynda, mundaı mamandyq bar jáne tarıhı betburys úshin janpıda bolý dep túıindeıdi.

Sondaı-aq, rejısser ádettegideı armanǵa aparar joldyń beıneti men zeınetin qatar kórsetýge tyrysady. Iаǵnı, ǵarysh ǵalamatymen salystyrǵanda eleýsiz noqattaı bolǵan adamnyń úlken muratyn áıgileýge kúsh salǵan.

Túrli synaq ushýlary men adamnyń aıdy baǵyndyrýy syndy týrbýlentti sahnalardyń shynaıy túsirilgeni sonshalyqty gollıvýd pavılondarynda túsirilgenine sengińiz kelmeıdi.

Rotten Tomatoes sholý agregatory boıynsha, fılm 7.9 / 10 balǵa ıe bolǵan. Belgili kınosynshy Mıshel Nordın týyndyny «myqty tájirıbe» dep baǵalap, B + deńgeıindegi fılm ekenin aıtty. Kartınanyń akterler qatarynda Raıan Goslıng, Kler Foı, Pablo Shraıber, Krıstofer Ebbott, Kıran Hınds, Kaıl Chandler jáne ózge de artıster bar.

Aıa О́MIRTAI,

«Egemen Qazaqstan»

Sońǵy jańalyqtar

Shyǵysqa qar tústi

Aımaqtar • Keshe

Uqsas jańalyqtar