Negizgi maqsaty jeke quramnyń mashyǵyn, vzvodtardyń, rotalardyń, quramalar men bólimder batalondary basqarmalarynyń shynaıy deńgeıin, bólimshelerdiń qysqa merzimde qoıylǵan jaýyngerlik tapsyrmalardy oryndaýǵa ázirlikterin tekserý, sondaı-aq oqý-jaýyngerlik tapsyrmalardy pysyqtaý, jaýyngerlik daıarlyq josparlary men baǵdarlamalaryn oryndaý barysynda bólimsheler men olardyń basqarý organdarynyń jaýyngerlik daıarlyǵy men úılesimdiliginiń deńgeıin baǵalaý bolyp tabylady.
«Batys» óńirlik qolbasshylyǵy áskerleriniń qolbasshysy general-maıor Qanysh Abýbakırovtyń aıtýynsha, óńirlik qolbasshylyqtyń Basqaramasy ofıserleri quramynan keshendi komıssııa qurylǵan.
- Olar barlyq áskerı bólimderge jiberildi. Qorytyndy tekseris úsh kezeńde ótkiziledi dep josparlanǵan. Tekseriske shtattyq jaýyngerlik tehnıkamen jaýyngerlik oq atýlar men taktıkalyq oqý-jattyǵýlardy ótkize otyryp, túrler, ásker tekteri men óńirlik qolbasshylyqtardyń, batalondardyń (dıvızıondardyń) barlyq basqarmalary, vzvodtar, rotalar (batareıalar) men olarǵa teńestirilgender tartyldy. Oqytý pánderi boıynsha sabaqtar bólimderdiń udaıy ornalasý pýnktterinde jáne oqý-jattyǵý ortalyqtary men polıgondarda ótýde, deıdi general-maıor.
Tekseriletin pánderdiń qatarynda atys, taktıkalyq, arnaıy daıyndyq, jaýyngerlik mashınalardy júrgizý, áskerı topografııa, ınjenerlik, dene jáne saptyq daıarlyq bar. Komıssııa, sondaı-aq qarý-jaraq pen áskerı tehnıkanyń jaı-kúıin, baǵynysty quramalarda jaýyngerlik daıarlyqty basshylyqqa alý boıynsha laýazymdy adamdardyń jumysynyń uıymadstyrylý júıesin, jaýyngerlik jáne jumyldyrý ázirligin tekseredi.
Ár áskerı qyzmetshige jeke dara tártipte jáne bólimsheler quramynda teorııa júzinde ǵana emes, sonymen birge, praktıka júzinde emtıhandar tapsyrýǵa týra keledi.
Gúlaıym Shyntemirqyzy,
«Egemen Qazaqstan»
Mańǵystaý oblysy
