Halyqaralyq mádenıetter men dinder ortalyǵynyń dırektory Aıdar Ábýov meımandarǵa arnaǵan sózinde Halyqaralyq ıadrolyq synaqtarǵa qarsy is-qımyl kúni ashylǵan «Beıbitshilik qabyrǵasy» Qazaqstannyń ıadrolyq polıgondy japqanyn ǵana emes, tórtinshi ıadrolyq áleýetten bas tartqanyn aıǵaqtaıtynyn eske saldy. Monýment tarıhtaǵy qaıǵyly oqıǵalardyń zardaptaryn umytpaı, jer júzindegi beıbitshilik pen yntymaqty qasterleýge úndeıdi.
Prezıdent Nursultan Nazarbaevtyń ıadrolyq qarýǵa qarsy «Álem. HHI ǵasyr» manıfesiniń ıdeıasy jobanyń negizine aınalǵan bolatyn. Manıfestiń ıdeıalyq mazmuny Álemdik jáne dástúrli dinder lıderleri Seziniń seksııalyq alǵashqy otyrysynyń negizgi taqyryby bolyp tabylady.
Jınalǵandarǵa arnap Qazaqstan musylmandary Dinı basqarmasynyń basshysy Serikbaı qajy Oraz da sóz sóıledi.
Musylman, birqatar hrıstıan konfessııalarynyń, býddızm, daosızm, zoroastrızm jáne basqa da dinı nanymdardyń ókilderi bar dinı lıderler Seziniń delegattary jer júzindegi beıbitshilik úshin minájat etti.
