Onyń ashylýyna «Qazaqstan ınvestısııasy qory» AQ basqarma tóraǵasy Ermek Saqyshev, «KazFoodProducts» JShS-niń bas dırektory Álıhan Talǵatbek, oblys ákimi Qumar Aqsaqalov qatysyp, sóz sóıledi.
«Bio operations» elimiz jáne onyń ishinde óńir úshin strategııalyq mańyzǵa ıe iri óndiris oshaǵyna aınalmaq. Keleshegi óte zor. Alǵashqy kezeńde 11 mıllıard teńge ınvestısııa quıyldy. Taǵy 6 mıllıard teńge tartylmaq.Jylyna 300 myń tonna bıdaıdy qaldyqsyz óńdeı alady. Tek jergilikti shıkizat qoldanylady.
«Zaýytta 400 jergilikti turǵyn eńbekpen qamtylatyn bolady. 50 myń basqa shaqtalǵan shoshqa kesheni de óz jumysyn bastady. Jýyq arada Ortalyq Azııadaǵy teńdesi joq et kombınaty iske qosylady. Kombınattyń jyldyq qýattylyǵy –15 myń tonna . Munda 1000 adam jumysqa ornalasady. Jergilikti qazynaǵa jylyna 100 mıllıon teńge salyq túsedi. Osylaısha aımaqta klasterlik júıe ornyǵady», dedi Qumar Aqsaqalov.
Krahmal men kleıkovına shyǵaratyn seh iske qosyldy. Kelesi jyly zaýyt bıoetanol óndirile bastaıjy. Qurǵaq bıdaı óńdelip, bıoetanol alynǵan soń qalǵan qaldyq mal azyǵyna jaratylady.
Álıhan Talǵatbektiń aıtýynsha, ekologııalyq taza ónim Eýroodaq elderine jóneltiledi. Bul maqsat úshin birqatar kelisim jasalyp, negizinen eksportqa baǵdarlanyp otyr. Otandyq munaı zaýyttarynyń Eýro-5 benzınin shyǵarýǵa kóshkenin eskersek, otandyq bıoetanolǵa suranys joǵary bolmaq.
О́mir ESQALI,
«Egemen Qazaqstan»
Soltústik Qazaqstan oblysy
