Tipti ortaǵasyrlyq Aqyrtas kesheni, ańyzǵa toly Aısha bıbi kesenesi sekildi tarıhı nysandarǵa qyzyǵýshylyq tanytqandary da kóp. Bul rette sheteldikterge halqymyzdyń san ǵasyrlyq salt-dástúrin nasıhattaý maqsatynda «Tórtkúl» kerýen saraıynda «Qazaq aýyly» etnojobasy qolǵa alyndy. Sheteldikter atalǵan etnojobamen, ultymyzdyń uly qundylyqtarymen de tanysty. Jıynda Jambyl oblysy ákiminiń keńesshisi Aslan Sarjanuly sóz alyp, kóne Taraz jerinde «Rýhanı jańǵyrý» baǵdarlamasy aıasynda «Qazaq aýyly» etnojobasy tuńǵysh ret uıymdastyrylyp otyrǵanyn, bul ólkede talaı qaıratker dúnıege kelip, tárbıelengendigin atap ótti.
«Qazaq aýyly» etnojobasynyń ashylý saltanatynda qazaq mýzykalyq jáne teatr óneriniń festıvaldary, jergilikti qolónershilerdiń sheberlik dáristeri, ulttyq taǵamdar, qolóner jáne kórkemóner kórmeleri, etnostyq mýzykalyq festıvaldar uıymdastyryldy. Al ulttyq sport túrlerinen ótken jarystar halqymyzdyń ejelden erjúrek, batyr el ekenin sheteldikterdiń aldynda aıǵaqtap turǵandaı edi. Sonymen qatar sheteldik týrıster «Dástúrli ań aýlaý túrleri», «Ulttyq oıyndar», «Ulttyq taǵam», «Qazaq mýzykalyq-teatr óneri» jáne «Qolónershiler» sektorlarynan qazaq ultynyń ózine tán ereksheligin kórip, rızashylyǵyn bildirdi. Jergilikti qolóner sheberleriniń qolynan shyqqan turmystyq buıymdarǵa da erekshe qyzyǵýshylyq tanytty.
Hamıt ESAMAN,
«Egemen Qazaqstan»
Jambyl oblysy
