- Qyzylorda oblysynyń ejelden beri ózindik dástúr-salty men mádenı qundylyqtary bar ekeni belgili. Búginde aımaq qarqyndy damyp kele jatqanyn jańa qala qurylysynan, sıfrlandyrý men kásipkerlik boıynsha júrgizilip jatqan jobalardan anyq kórýge bolady. Bul jumystardy Memleket basshysynyń Joldaýyna sáıkes naqty tapsyrmalar aıasynda jalǵastyrý kerek. Al partııanyń mindeti keń aýqymdy aqparattyq-nasıhat jumystaryn júrgize otyryp, iske asyrý joldaryn kórsetip, óńirlerdegi tapsyrmalardyń oryndalýyna baqylaý jasaý bolyp tabylady, - dedi «Nur Otan» partııasy Tóraǵasynyń birinshi orynbasary.
Partııa aktıvin júrgizip otyrǵan oblys ákimi Qyrymbek Kósherbaev Memleket Basshysynyń Joldaýyndaǵy baıandalǵan adamı kapıtaldy damytýdyń mańyzy jaıynda aıtty. Jappaı kásipkerlikti damytý oblysta úsh mańyzdy máseleniń sheshim tabýyna atap aıtqanda, salyq bazasyn jaqsartýǵa, turǵyndardy jumyspen qamtýǵa jáne qoǵamdyq turaqtylyqty qamtamasyz etýge yqpal etetinin baıandady.
Jıynda sóz alǵan Qorqyt Ata atyndaǵy Qyzylorda memlekettik ýnıversıtetiniń rektory Qylyshbaı Beısenov oblysta bilim berý salasyndaǵy qol jetken jetistikter jaıyn taratty. Oblys aýmaǵyndaǵy qat mamandyqtar boıynsha 500-ge tarta jastar Máskeý jáne Sankt-Peterbýrg joǵary oqý ornynda oqyp jatyr. Jastardyń oqý-bilimge qushtarlyǵy mektep túlekteriniń 97 paıyzǵa jýyǵy joǵary jáne orta arnaýly oqý oryndarynda bilim alyp jatqandyǵynan kórinedi.
Oblysta kásipkerlikti damytý durys jolǵa qoıylǵan. Jumysqa yntasy bar, kásipkerlikke beıim azamattar úshin barlyq jaǵdaılar jasalǵan. «Bıznestiń jol kartasy» arqyly otaǵasy ekeýi shulyq sehyn iske qosqan Aıgúl Muhambetjanova shaǵyn jáne orta bıznestin órkendeýine qamqorlyq jasap otyrǵan Memleket Basshysyna kásipkerler atynan alǵysyn bildirdi.
«Jas Otan» jastar qanatynyń oblystyq fılıalynyń tóraǵasy Talǵat Tiles jastardyń bastamalaryna qoldaý kórsetý boıynsha aımaqta atqarylyp jatqan jumystar týraly baıandady.
Oblys ákimdiginiń ǵımaratynda Máýlen Áshimbaev Sıtýasııalyq ortalyqtyń jumysymen tanysyp, Qyzylorda oblysynyń tájirıbesin respýblıka boıynsha taratý qajettigin aıtty.
Jumys saparynda «Nur Otan» partııasy Tóraǵasynyń birinshi orynbasary Syrdarııanyń sol jaǵalaýynan «7-20-25» baǵdarlamasymen salynyp jatqan turǵyn úı qurylysy nysandarymen tanysty.
Qyzylorda oblysynda halyq sanynyń ósýine baılanysty turǵyn úıge qajettilik qatty baıqalady. Qazirdiń ózinde 27 myńnan astam adam turǵyn úı kezeginde tur. Atalǵan máseleni sheshý úshin munda 1532 gektar jerge jańa aýdan salynyp jatyr.
Bul jerde taıaý ýaqytta 320 oryndyq balabaqsha, jastar resýrs ortalyǵy, «Bolashaq» ýnıversıtetiniń bilim berý kampýsy, neke saraıy, kóp salaly emhanasy bar aýrýhana, fızıka-matematıkalyq mektep jáne otbasylyq medısına ortalyǵy boı kóteredi dep josparlanǵan.
Oblysta «Orda» turǵyn úı qurylysynyń «Jol kartasy» qolǵa alynyp, alǵashqy salymsyz-aq nesıege turǵyn úı satyp alýǵa jol ashyldy. Osylaısha, óńirde Prezıdenttiń Joldaýda aıtqan baspanaǵa muqtaj jandarǵa naqty kómek kórsetý týraly tapsyrmasy oryndalyp jatyr.
Budan soń Máýlen Áshimbaev №3 S.Tolybekov atyndaǵy mektep-lıseıiniń jáne Á.Tájibaev atyndaǵy oblystyq ǵylymı ámbebap kitaphanasynda ornalasqan IT–park jumysymen tanysty.
«Kásipkerlikke arnalǵan geoaqparattyq onlaın qyzmeti» partııalyq jobasy sheńberindegi kásipkerlerge qyzmet kórsetý ortalyǵyna bardy. Ortalyqta kásipkerlerge «bir tereze» qaǵıdaty boıynsha jer máseleleri, sáýlet jáne qurylys, ınjenerlik jelilerge qosylý, memlekettik kiris máseleleri, qarjy ınstıtýttary úshin qarjylandyrý sharttary, bankke deıingi jáne keıingi jobalardy qoldaý boıynsha 40-tan astam qyzmet túri usynylady. Barlyq qyzmetter tegin kórsetiledi. Bul respýblıka kóleminde teńdesi joq ortalyq bolyp tabylady.
Sol kúni «Nur Otan» partııasy Tóraǵasynyń birinshi orynbasary Syrdarııa aýdanyndaǵy bes myńǵa jýyq halqy bar Shaǵan aýyldyq okrýginde halyqpen kezdesý ótkizdi. Elbasynyń Joldaýyndaǵy strategııalyq tapsyrmalardy iske asyrýdyń elimizdegi barlyq turǵyndar úshin mańyzdy ekendigine taǵy kóńil aýdardy.
- Barshamyz Prezıdent ıdeıalaryn túsindirip qana qoımaı iske asýyna atsalysýymyz kerek. О́ıtkeni, ol tapsyrmalar elimizdiń keleshegin aıqyndaıtyn strategııalyq qujat. Osy baǵyttta qoǵamdyq monıtorıng júrgiziledi,-dedi ol.
Baqtııar TAIJAN,
«Egemen Qazaqstan»
QYZYLORDA OBLYSY
