Kezdesýge arnaıy kelgen oblys ákimi Qyrymbek Kósherbaev:
О́z bastaýyn ǵasyrlar qoınaýynan alatyn Syrdyń qasıetti de qasterli topyraǵy talaı talantty tulǵalardy dúnıege ákeldi. Qazaqtyń tuńǵysh ulttyq drama teatrynyń sahna kórkemdeýshisi bolǵan halyq sheberi Látıpa Hojyqovadan bastap, aǵaıyndy Qojahmet jáne Qulahmet Hojyqovtar, Sahı Romanov pen Salıhıtdın Aıtbaevtar qazaq beıneleý óneriniń damýyna úles qosty. Amankeldi Kenenbaev - Syr boıy beıneleý ónerin bıikke kóterip kele jatqan erekshe esim. Sýretshiniń 2015 jyly AQSh pen Japonııada ótkizilgen kórmesi talǵampaz qonaqtardyń nazaryn aýdarǵanyn bilemiz. Fransııanyń Nojan-Sıýr-Marn qalasynda turǵan Alash arysy Mustafa Shoqaıdyń músini de Amankeldiniń qolynan shyqqan. О́zimiz kún saıyn kórip júrgen Janqoja batyrdyń eńseli eskertkishi men aqyn Ábdildá Tájibaevtyń tas músininiń avtory da osy sýretshi. Buǵan deıin jyl basynda elimizdiń rýhanı astanasy - Almatynyń tórinde «Sulýtóbe» atty jeke kórmesi ashylsa, búgin sýretshiniń «Syrdarııa» atty kórmesi nazarlaryńyzǵa usynylyp otyr,-dedi.
Aıta keteıik, Amankeldi Kenenbaevtyń týyndylary TMD elderinde jáne AQSh, Kanada, Portýgalııa, Býdapesht, Izraıl, Norvegııa, Germanııa t.b memleketterdegi kórmelerde qoıylǵan.
Baqtııar TAIJAN,
«Egemen Qazaqstan»
QYZYLORDA OBLYSY
