Qyzylorda oblysynyń ákimi Q.Kósherbaev, Syrdarııa aýdanynyń ákimi Ǵ.Kazantaev pen aýmaqtyq qorǵanys jáne quqyq qorǵaý organdarynyń basshylary men qyzmetkerleriniń qatysýymen ótip jatqan jattyǵýǵa 300 adam jáne 22 arnaıy tehnıka qatysýda.
Oqý-jattyǵý aıaqtalǵannan keıin oblys ákimi Q.Kósherbaev qatysýshylardy áskerı operasııany sátti ótkizýimen quttyqtap, úzdikterdi marapattady.
- El Prezıdenti – Bas Qolbasshy Nursultan Ábishuly Nazarbaev elimizdiń birtutastyǵyn, halqymyzdyń qaýipsizdigin qamtamasyz etýde, ómir súrý jáne asa mańyzdy nysandardy kúzetý men qorǵaýda aýmaqtyq qorǵanys qurylymdarynyń oryny erekshe ekenin árdaıym aıtyp keledi. Qaı zamanda bolmasyn ata-babamyz ot pen oqqa oranyp, janyn qısa da, aryn satpaǵan, bir súıem jerin jaý qolyna ustatpaǵan. Keshegi ótken Jalańtós Bahadúr, Janqoja jáne Buqarbaı batyrlardaı eli men jeri úshin, halqynyń qamy úshin janyn berer azamattarymyz búgingi kúni de az emes,-dedi oblys ákimi.
Baqtııar TAIJAN,
«Egemen Qazaqstan»
QYZYLORDA OBLYSY
