- Eki komanda da jaqsy oınady. Tartysty match ótti. Bizde bar múmkindikterdiń birazy golǵa aınalmady. Qaqpamyzǵa bolmashy gol jiberip aldyq. Al jalpy fýtbolshylardyń kórsetken ónerine rızamyn.
- Alańǵa almasyp kirgen oıynshylar qarqyndy kúsheıte aldy ma? Jalpy olardyń oıyny kóńilińizden shyqty ma?
- Ekinshi taımda oıynshylardy almastyrýǵa asyqpadym. О́ıtkeni, oıyn jaqsy ótip jatty. Biraq alańǵa almasyp kirgen oıynshylar oıyndy qatty kúsheıtti deı almaımyn.
- Andorramen bolǵan matchtan keıin de shabýyl shebinde máseleler kóp dep aqtalyp edińiz? Endi osy jaǵdaıdan keıin qandaı sheshim shyǵarasyz?
- Shabýyl shebinde bizde másele kóp. Árıne, Andorraǵa standarttan gol soqqanymyzda bulaısha sóılep otyrmas edik. Jalǵyz ózgeris jasaýǵa bolady. Ol qazirgi quramǵa alynǵan qosalqy oıynshylardy almastyryp shyǵarý. Odan basqa Qazaqstanda myqty shabýylshylar joq. Eldegi eń myqty oıynshylar osynda júr. Bul bizdiń basty problemamyz. Androrrany senimdi túrde jeńýimiz kerek bolsa, búgin Latvııanyń myqty qarsylas ekenin baıqadyq.
- Týrnırlik mańyzdylyq qalmasa aldaǵy oıyndarda qandaı ózgerister jasaýyńyz múmkin?
- Jaqyn arada komandany jasarta beretinim anyq. Aldaǵy eki úsh oıynda kóp nárse ózgertkim kelmedi. Jastar quramasyndamaǵan unaıtyn 3-4 oıynshy bar. Olar jaqyn arada quramaǵa alynady. Ulttyq quramany damytý maqsatynda kerekti oıynshylardy alýǵa tyrysamyz. Grýzııanyń jeńisinen keıin, eki komanda da kelesi kezeńge ótetin eshqandaı múmkindik qalmady. Sondyqtan da, qalǵan oıyndarda eksperımenttik jaǵdaılar oryn alary túsinikti.
