Onyń biri - «Nátıjeli jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan» baǵdarlamasy boıynsha nesıe alyp, sharýasyn dóńgeletip otyrǵandardyń biri «Aıbek» sharýa qojalyǵyn qurǵan О́skenov Amangeldiniń kásibi. О́skenov aǵymdaǵy jyldyń mamyrynda «Aýyl sharýashylyǵyn qarjylaı qoldaý qory» AQ MF –nan 6%-ben 4 000 000 teńge nesıe alǵan. Bul qarajatqa sharýa qojalyǵynyń basshysy 5 bas botaly túıe satyp alǵan. Ekinshisi- Ramazanov Aısa basshylyq etetin «Ramazan balalary» sharýa qojalyǵy. Bul qojalyq ta joǵaryda atap ótilgen «Aýyl sharýashylyǵyn qarjylaı qoldaý qorynyń» kómegimen qarjylanǵan. Suralǵan 4 000 000 teńge nesıege 11 bas sıyr jáne joǵary asyl tuqymdy buqa malyn jáne jem shóp satyp alýǵa jumsaǵan.
Munaıly aýdanynyń mal sharýshylyǵymen aınalysatyn kásipkerleri jalpy shópke sýbsıdııa berilse eken deıdi. О́ıtkeni jem-shóp syrttan, basqa aımaqtan ákelinedi. Shóptiń bir oramy 700-800 teńge bolsa, jemniń bir qapshyǵy 1000 teńge. Baıandy aýlyndaǵy kósheniń bir jaǵyndaǵy sý turǵyndarǵa tekshe metri 30 teńgeden beriledi. Al kósheniń ekinshi betindegi sharýa qojalyǵyna sýdyń tekshe metri 580 teńgeden beriledi.
«Aýyl sharýashylyǵyn qarjylaı qoldaý qory» Mańǵystaý oblystyq fılıalynyń nesıe bóliminiń basshysy Sholpan Dúsenbaeva eki sharýashylyqqa kórsetilgen kómek týraly áńgimeledi. Onyń aıtýynsha, agroónerkásip keshenin damytý baǵdarlamasy boıynsha azyq-túlikti kóbeıtý qajet.
- Sharýalar maldyń azyǵy men sýyna kerekti qarajat alý úshin qujattaryn tapsyryp, kómek ala alady. Degenmen, baǵdarlamaǵa 1 ǵana ret qatysýǵa múmkindik bar. Sharýashylyq ıeleriniń ekeýi de 5/50 baǵdarlamasy boıynsha munaı mekemelerinen jumystan shyǵyp, alǵan aqshalarynyń bir bóligine osy sharýashylyqtardy ashqan jáne «Aýyl sharýashylyǵyn qarjylaı qoldaý qory» kómegimen sharýashylyǵyn dóńgeletip otyr. Berilgen nesıeniń maqsatty túrde jumsalýyn qadaǵalaý maqsatynda bizder ara-tura sharýashylyqtarǵa monıtorıng júrgizip turamyz, -dedi ol.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
