Fýtbol • 17 Qazan, 2018

Qazaqstan quramasy Ulttar lıgasynda alǵashqy jeńisine qol jetkizdi

173 retkórsetildi

Fýtboldan Qazaqstan ulttyq quramasy ÝEFA-nyń jańa Ulttar lıgasy týrnırinde jáne bas jattyqtyrýshy Stanımır Stoılov qol astynda alǵash ret resmı oıynda jeńiske jetti. Elordadaǵy «Astana Arena» stadıonynda ótken kezdesýde otandastarymyz Pıreneı túbeginen kelgen Andorra quramasynyń qaqpasyna jaýapsyz tórt gol soqty.

Andorraǵa qarsy kezdesý aldynda bas bapker Stanımır Stoılov jýrnalısterge arnalǵan baspasóz máslıhatyna qatysyp, oıyn aldyndaǵy biraz josparymen bólisti. Jıyn barysynda Stoılov Latvııaǵa qarsy ótken matchta alańdaǵy is-qımyly kóńilinen shyqpaǵan birneshe fýtbolshynyń bar ekenin alǵa tartyp, Astanadaǵy oıynǵa jas oıynshylardy shyǵaryp, olardy da synaqtan ótkizip alatynyn aıtqan edi. Matchqa birneshe saǵat qalǵanda Qazaqstan quramasynyń oıynshylar tizimi shyǵysymen quramda birqatar ózgeris bar ekenin baıqadyq.

Latvııaǵa qarsy kezdesýde qosalqy quramda bolǵan Ǵafýrjan Súıimbaev, Iýrıı Logvınenko, Serikjan Mujyqov, Erkebulan Seıdahmet jáne Baýyrjan Turysbek bul joly birinshi mınýttan bastap negizgi quramda alańǵa shyqty. Qalǵan fýtbolshylar negizgi quramdaǵy ornyn saqtap qaldy. Dmıtrıı Shomko qosalqy quramnan oryn alǵan soń, Qazaqstan quramasyn kapıtan retin Baýyrjan Islamhan bastap shyqty. Endi qurama kapıtany Islamhan bolady dep úmittengen fýtbol jankúıerlerine Stoılov matchtan keıin «quramada kapıtan bireý, ol –  Dmıtrıı Shomko. Vıse-kapıtan – Baýyrjan Islamhan», dep málimdedi.

Eki komanda arasyndaǵy kezdesýdiń alǵashqy mınýttarynda quramalar bir-birin alystan baıqasyp, qate jiberýin kútti. Degenmen aragidik shabýylshylarymyz alystan soqqy baǵyttap, Andorra qaqpashysynyń sheberligin baıqap kórýge tyrysty. Oıynnyń 21-mınýtyna kelgende otandastarymyzdyń alǵashqy qaýipti shabýyly birden golǵa aınaldy. Baýyrjan Islamhannyń qaptaldan kótergen pasyna Reseıdiń «Ýfa» komandasynda dop tebetin Erkebulan Seıdahmet birinshi jetip, Qazaqstan quramasyn esepte ala shyǵardy.

Bul 18 jastaǵy Erkebulannyń ulttyq qurama sapyndaǵy tuńǵysh resmı goly boldy. Buǵan deıin naýryz aıynda Vengrııa qaqpasyna gol soqqanymen, ol match joldastyq kezdesý bolatyn. Birinshi taımnyń aıaqtalýyna 6 mınýt qalǵan Erkebulan Seıdahmet shabýylshy Baýyrjan Turysbekke nátıjeli pas asyryp, Turysbek urymtal tusty sátti paıdalanyp esepti 2:0-ge jetkizdi. Birinshi taım dál osy eseppen aıaqtaldy.

Kezdesýdiń ekinshi bóligin Qazaqstan quramasy shabýylmen bastap, qarsylastardy ózderiniń jarty alańynan shyǵarmaı, biraz tyqsyryp baqty. Shabýyldy sát saıyn údete túsken otandastarymyz matchtyń 61-mınýtynda degenderine jetti. Baýyrjan Islamhannyń oń qaptaldan asyrǵan pasyn qaıtaramyn dep umtylǵan Andorra qaqpashysy Joze Gomes baıqaýsyzda óz qaqpasyna gol soǵyp aldy.

Osy goldan soń Andorra quramasynyń fýtbolshylary ashýǵa boı aldyryp, oıyn tártibin jıi buzyp, kezdesýdiń berekesin qashyra bastady. Ýkraınalyq tóreshi Pıreneı túbeginen kelgen fýtbolshylardyń sabyrǵa shaqyrǵanymen, andorralyqtar emosııalaryn saqtaı almaı, aqyr sońynda qyzyl qaǵaz alyp tyndy. Matchtyń 65-mınýtynda Jordı Alaes oıyndaǵy ekinshi sary qaǵazyn alyp, matchtan  qýyldy. Osy jaǵdaı úshin alań jıeginde turǵan eki quramanyń bapkerler quramy da biraz sózge kelip qaldy.

San basymdyǵyna ıe bolǵan Qazaqstan quramasynyń shabýyly odan saıyn údeı túti. Oıynnyń 70-mınýtynda alańǵa shyqqan Roman Mýrtazaev 74-mınýtta matchtaǵy tórtinshi goldy soqty. Kezdesý aıaqtalǵanǵa deıin otandastarymyzda 1-2 gol soǵatyn tamasha múmkindikter bolǵan, alaıda shabýyldyń núktesin qoıatyn fýtbolshy tabylmady.

Osylaısha, Qazaqstan quramasy Ulttar lıgasyndaǵy alǵashqy ári iri jeńisine qol jetkizdi. Bir ókinishtisi, bizdiń toptaǵy ekinshi oıynda Grýzııa syrt alańda Latvııa quramasyn 3:0 esebimen jeńip, resmı túrde toptaǵy birinshi ornyn bekitip qoıdy. Endi otandastarymyz ekinshi oryn úshin kúresetin bolady. Qazaqstan quramasy kelesi kezdesýin 15 qarashada «Astana Arenada» Latvııany qabyldasa,  19 qarashada syrt alańda Grýzııa quramasymen ótkizedi.

Álı BITО́RE,

«Egemen Qazaqstan»

Sońǵy jańalyqtar

Nur-Sultanda kómir qory jetkilikti

Qazaqstan • Búgin, 15:13

21 jyl boıy qujatsyz júrgen

Aımaqtar • Búgin, 10:59

VII PR forýmy Almatyda ótti

Aımaqtar • Búgin, 10:45

Fermerdiń maýsymdyq tabysy qansha?

Aımaqtar • Búgin, 09:51

Jánibek aýdanynda et óndirý artty

Aımaqtar • Búgin, 09:26

MRT alýǵa jarty mıllıard jumsalǵan

Aımaqtar • Búgin, 09:21

Bas basylymnyń baıtaq belesi

Aımaqtar • Búgin, 09:08

Qaıta oralǵan qumarshyq

Aımaqtar • Búgin, 07:54

Termeshiler tereńnen terbedi

Ádebıet • Búgin, 07:52

Túrik kınolary tegin kórsetiledi

Qoǵam • Búgin, 07:47

«Arý» – kóz arbaǵan kórkemdik álemi

Rýhanııat • Búgin, 07:45

Haziretter qazynasy

Rýhanııat • Búgin, 07:43

«Speshranda» saqtalǵan...

Rýhanııat • Búgin, 07:26

«Tákappar eken qulja alma»

Qoǵam • Búgin, 07:23

Zań kerek!

Ekologııa • Búgin, 07:20

El qurmeti erekshe

100 • Búgin, 07:14

It júgirtip, qus saldy

Aımaqtar • Búgin, 07:12

Senim hám serpin

Rýhanııat • Búgin, 07:09

Ekologııany qorǵaýǵa adaldyq kerek

Ekologııa • Búgin, 07:03

Ǵarysh salasy jańa deńgeıge kóteriledi

Tehnologııa • Búgin, 06:38

Parasattylyq – basty nazarda

Aımaqtar • Búgin, 06:30

Hat qorjyn (14.11.2019)

Ádebıet • Búgin, 06:28

Kúrish suryptary suıylyp barady

Ekonomıka • Búgin, 06:24

Sıpaty bólek kýálik

Qoǵam • Búgin, 06:14

Altyn Adam Afınada

Qazaqstan • Keshe

Uqsas jańalyqtar