Spıker óz sózinde qyzmettik ádep normalarynyń saqtalýyn jáne memlekettik qyzmet, sybaılas jemqorlyqqa qarsy is-qımyl týraly zańnama men Qazaqstan Respýblıkasy memlekettik qyzmetshileriniń ádep kodeksin buzýshylyqtardyń profılaktıkasyn qamtamasyz etý qyzmetin júzege asyrý maqsatynda QR Prezıdentiniń Jarlyǵymen Ádep jónindegi ýákil týraly ereje bekitilgenin eske saldy.
«Sybaılas jemqorlyqqa qarsy is-qımyl jáne Ádep kodeksi máseleleri» taqyrybynda ótken semınarda memlekettik qyzmetshiler arasynda memelekettik qyzmet salasyndaǵy Qazaqstan Respýblıkasynyń Zańdylyq talaptaryn, sybaılas jemqorlyq jáne Qazaqstan Respýblıkasynyń Ádep kodeksin túsindirý tóńireginde túrli sharalar ótkizilip otyratyndyǵy aıtyldy.Aqylbek Orazǵulov memlekettik qyzmetshiniń ádebi men minez-qulyq máselelerine úlken mán berilip kele jatqandyǵyn aıtyp ótti.
- Memlekettik qyzmetshi ımıdjiniń tutastyǵy joǵary kásibılik pen jeke quzyretterdiń, moraldyq-adamgershilik qasıetterdiń jáne ádeptilik minez-qulyqtyń kórinýine negizdelgen. Budan basqa memlekettik qyzmetshi memlekettiń múddesine jáne azamattardyń quqyǵyna zalal keltiretin is-qımyldarǵa qarsy turýǵa, zańmen belgilengen shekteýlerdi saqtaýǵa mindetti, dedi spıker.
Memlekettik organdar qyzmetkerleri arasynda sybaılas jemqorlyqqa qarsy «nóldik tózimdilikti» qalyptastyrý jáne Ádep kodeksiniń normalaryn saqtaý máselelerin talqylaý maqsatynda ótken is-sharada qyzmetkerler óz usynystaryn ortaǵa salyp, tájirıbelerimen bólisti. Sonymen qatar, sybaılas jemqorlyq profılaktıkasy jáne Ádep kodeksi normalaryn saqtaý salasyndaǵy arnaıy beınerolıkter kórsetildi.
Al agenttiktiń aýmaqtyq departamentiniń basshysy Nurgúl Jannazarova aımaqta júrgizilip jatqan barlyq sharalarda memlekettik qyzmetkerlerdiń Ádep normasyna saı emes minez-qulyq kórsetkenderi jáne onyń aldyn-alý, boldyrmaý joldary týraly beınerolıkter udaıy kórsetilip otyratyndyǵyn aıtty.
- Árbir memlekettik qyzmetshi óziniń qoǵamnyń negizgi tulǵasy bolyp sanalatynyndyǵyn esten shyǵarmaýy tıis. Biz osyny barlyq deńgeıdegi jıyndarda aıtýmen kelemiz. Qazirgi tańda memlekettik qyzmetke qabyldaý talaptary kúsheıtildi, olar tek óz qyzmetinde ǵana emes, jalpy kúndelikti ómirinde ózderin joǵary deńgeıde ustaýlary tıis. Sondaı-aq jumystan tys ýaqytta da jalpy qabyldanǵan etıkalyq normalardy ustanyp, qoǵamǵa jat minez-qulyq jaǵdaılarǵa jol bermeýi kerek, dedi ol.
Departament basshysy áleýmettik jelilerge únemi monıtorıng júrgizilip otyratyndyǵyn eskertti jáne birneshe mysaldar keltirip ótti. Sonyń biri jýyrda aımaqtyq jáne respýblıkalyq buqaralyq aqparat quraldarynda jarııa bolǵan oblystyq memlekettik kirister departamenti qyzmetkerleriniń spırttik ishimdiktermen túsken sýretterin ózderiniń paraqshalaryna salǵany úshin birqataryna tıisti shara alynǵandyǵyn aıtyp ótti.
Semınar sońy pikir almasýǵa jalǵasqan soń, QazaqstanRespýblıkasy Ulttyq ekonomıka mınıstrliginiń Ádep jónindegi ýákili Aqylbek Orazǵulov sybaılas jemqorlyq zańdylyqtaryn jáne etıkalyq normalardy qatań saqtaý kerek ekendigin atap ótti. Aqtaý qalasynda ótken semınar-keńes elimizdiń ózge de aımaqtarynda ótkizilmek.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
