Aımaqtar • 18 Qazan, 2018

D. Káletaev Qostanaıdaǵy úkimettik emes uıymdar respýblıkaǵa úlgi ekenin aıtty

23 retkórsetildi

Qostanaıǵa Elbasy Joldaýyn túsindirý jumysymen kelgen Qoǵamdyq damý mınıstri oblystaǵy úkimettik emes uıymdar jetekshilerimen kezdesti.

Aldymen mınıstr azamattyq qoǵamnyń Qostanaı oblysynda belsendi jumys isteıtinin, óńirde kóptegen qoǵamdyq uıymdardyń basyn biriktirip otyrǵan resýrstyq ortalyqtyń respýblıkada birinshi osy oblysta qurylǵanyn aıtty. Endi olar elimizdiń ózge óńirlerinde de qurylyp jatyr.

Bul kezdesýde mınıstrmen áńgime suraq-jaýap formatynda boldy. Kóptegen qoǵamdyq belsendiler mınıstrge suraq berýge múmkindik aldy. Oblysta kópten beri jumys istep kele jatqan Múgedek balalar analarynyń «Radýga» qoǵamdyq birlestiginiń jetekshisi Natalıa Koloskova úkimettik emes sektor qyzmetiniń bazalyq erejeleri, etıkalyq normasyn bekitetin kodeksi bolýy kerek degen usynysyn aıtty.

«Biz qazir úkimettik emes uıymdar jumysyndaǵy ózgerister týraly jumys júrgizip jatyrmyz, sonda mundaı kodekstiń kerektigin de bilgenbiz. Biz quqyqtyq memlekette ómir súrip otyrmyz, Ádilet mınıstrligindegi mamandardyń aıtýynsha, mundaı kodeks jasaý ońaı sharýa emes. Sondyqtan zańgerlerdiń qatysýymen biz jumys tobyn qurdyq, múmkin jaqyn ýaqytta mundaı kodeks týraly estıtin bolarsyz» dep jaýap berdi mınıstr Káletaev.

Úkimettik emes uıymdar belsendileri mınıstrge munan basqa da osyndaı qadaý-qadaý ózekti máselelerdi qamtıtyn suraqtar berdi. Onyń barlyǵyna Darhan Káletaev jaýap berdi.

Názıra Járimbet,

«Egemen Qazaqstan»

 Qostanaı

Sońǵy jańalyqtar

Basty aqparat (19.02.2020)

Vıdeo • Keshe

Basylym basshylary - Nurlan ORAZALIN (1947)

Basylym basshylary • Keshe

Jaqsylyq júrek jylytady

Qazaqstan • Keshe

Erikti jastar erkin formatta pikir almasty

Ońtústik Qazaqstan • Keshe

Uqsas jańalyqtar