Tereza Meı © / Toby Melville / Reuters
Bul sheshim Eýroodaqta qalatyn Irlandııa men Birikken Koroldik quramyndaǵy Soltústik Irlandııanyń shekara máselesin retteý úshin qabyldandy.
Tereza Meı: «Jańa júıe enbeıinshe, ótpeli kezeńdi uzartyp, Eýroodaqpen kelisim ornatýǵa tyrysamyz. Bizdiń oıymyzsha, ortaq sheshim qabyldanbaǵannyń ózinde de shekara jumysy eski tártipte jalǵasa beredi», dedi.
Eýroodaq kóshbasshylary qarashanyń 17, 18 kúnderi «Breksıt» sharttaryn talqylaýǵa negizdelgen jedel sammıtti ótkizýden bas tartty.
Eýropa parlamentiniń tóraǵasy Antonıo Taıanı: «Sheshilmegen úsh másele qaldy. Birinshisi – Eýropa odaǵyndaǵy azamattar men Ulybrıtanııa azamattarynyń quqyǵy, ekinshisi – tólem máselesi. Eki másele boıynsha kelisim jasaldy dep oılaımyn. Úshinshi másele – shekara. Bul - áli de talqylanýdy qajet etetin suraq. Sheshimi tabylmasa da, jaqsy nátıjemen aıaqtalatynyna senemin», dedi.
Eki tarap ta shekara jumysynyń buzylýyn qalamaıdy. Degenmen, Brıýssel men London bul máseleni Eýropa odaǵynyń shekara jumysy aıasynda sheshýge tyrysýda.
