Qazan aıynyń basynan beri vırýstyq menıngıt degen kúdikpen Astana qalasynyń ınfeksııalyq aýrýhanasyna segiz oqýshy kelip tústi. Bul týraly qalalyq qoǵamdyq densaýlyq saqtaý departamenti habarlady.
Habarda atap ótkendeı, naýqastar – ár túrli mektep oqýshylary.
Oqýshylar aýrýhanaǵa menıngıttiń myna belgilerimen tústi: temperatýranyń 40 gradýsqa deıingi kóterilýi, bulshyq etterdiń aýyrýy, tamaq jáne ishtiń aýyrýy, jótel, júrek aınýy.
"Qazirgi tańda ınfeksııalyq aýrýhanada "vırýsty menıngıt" dıagnozymen túrli mektepten túsken segiz oqýshy emdelýde. Jeti oqýshynyń jaǵdaıy qanaǵattanarlyq, bireýi salystyrmaly túrde aýyr", - dedi departamentte.
Dárigerler barlyǵy vırýsqa qarsy em alýda jáne ýaıymdaý úshin eshqandaı sebep joq dep sendirdi.
"Emdeý sharalary aıaqtalǵannan keıin eki apta ishinde úıge shyǵarylady", - dep habarlady Astana qalasynyń DDSU.
Aıta keteıik, 2018 jyly 9 aı ishinde Astanada 196 vırýstyq menıngıt jaǵdaıy tirkelgen (85 oqýshy).
