Qazaqstan Prezıdenti kezdesý barysynda sammıttiń dástúrge saı joǵary deńgeıde ótkenin atap ótip, Eýropalyq komıssııa tóraǵasyn bıylǵy jeltoqsanda Sankt-Peterbýrgte ótetin Joǵary Eýrazııalyq ekonomıkalyq keńestiń kezekti otyrysyna qatysýǵa shaqyrdy.
Jan-Klod Iýnker «Azııa-Eýropa» forýmynyń XII sammıtine Qazaqstan delegasııasynyń jáne Nursultan Nazarbaevtyń jeke óziniń qatysýynyń mańyzdylyǵyn atap ótti.
– 2008 jylǵy Qazaqstanǵa jasaǵan saparym jáne álemdegi turaqtylyq týraly áńgimemiz meniń esimde. Bizdiń jıi kezdesip turǵanymyz jón, – dedi Eýropalyq komıssııa tóraǵasy.
Taraptar halyqaralyq saıasattyń kún tártibin, sonyń ishinde jahandyq qaýipsizdik problemalaryn qarastyryp, Eýrazııa ekonomıkalyq odaǵynyń Eýropa Keńesimen yntymaqtastyq máselelerin talqylady.
Sonymen qatar, Qazaqstan Prezıdenti sammıt barysynda Qytaı Halyq Respýblıkasy Memlekettik keńesiniń tóraǵasy Lı Kesıanmen, Reseı Federasııasynyń jáne Italııa Respýblıkasynyń premer-mınıstrleri Dmıtrıı Medvedevpen jáne Djýzeppe Kontemen kezdesti.
