Qazaqstan • 21 Qazan, 2018

Ulttyq palatada týrızmdi damytý baǵdarlamasy tanystyryldy

375 ret kórsetildi

Tanystyrylym Mádenıet jáne sport vıse-mınıstri Erlan Qojaǵapanov jáne «Atameken» UKP Basqarma Tóraǵasynyń orynbasary Oljas Ordabaevtyń qatysýymen ótti.

Kóshpeli jáne ishki týrızmdi damytýdyń 2019-2023 jyldarǵa arnalǵan memlekettik baǵdarlamasy 10 negizgi baǵyttan turady. Onyń biri – týrızmge arnalǵan áleýetti terrıtorııany anyqtaý.

Mınıstrlik zertteý júrgizip, elge týrısterdiń aǵynyn qamtamasyz etken úzdik 10 jerdi anyqtady. Jańa memlekettik baǵdarlama aıasynda 600 mlrd teńge basymdyqqa ıe jerlerdi damytýǵa tartylatyn bolady.

«Qazaqstan – týrıstik jerleri kóp úlken memleket. Barlyq jerlerdi birdeı damytýǵa qarajat kózi jetpeıdi, sondyqtan biz anaǵurlym tartymdy terrıtorııany belgiledik. Máselen, týrızmdi damytý kartasyna  Alakól men Balqash jaǵalaýy, Almaty men Almaty oblysy taý klasteri kirdi», – dep málimdedi QR Mádenıet jáne sport vıse-mınıstriniń keńesshisi Erkebulan Hasenov.

Kartaǵa barlyǵy 60 obekt endi, olardyń basym bóligi óńirlerde ornalasqan. Jańa baǵdarlamaǵa sáıkes  basymdyqqa ıe 10 joba salyqtyq jeńildikter alady. Sonymen qatar bul terrıtorııalarda basqarýshy kompanııalar qurylady, olarǵa arnap jer ýchaskeleri daıyndalyp, qajetti syrtqy ınfraqurylym tartylady.

Negizgi  sharalar tizimine týrızm salasyndaǵy bızneske jeńildikpen nesıe berý sharasy endi. Atalǵan shara 20 jylǵa deıin 14% mólsherlememen nesıeleýdi qarastyrady, mólsherlemeniń jartysyn memleket sýbsıdııalaıdy.

Baǵdarlamada sondaı-aq marketıngke basa nazar aýdarylǵan. Erkebulan Hasenovtyń aıtýynsha, álemde Grýzııa, Qyrǵyzstan, Ázirbaıjannyń týrıstik aımaqtary tanymal, bul naqty jumys pen úlken bıýdjettiń nátıjesi.

«Bıýdjetti 7 mlrd teńgege deıin ulǵaıtý maqsatynda BED TAX –  táýligine 1 jatyn oryn úshin týrısterden 2 AQSh dollary mólsherinde týrıstik jınaýdy engizý kerek. Osy rette hostelder men meıman úılerge toqtaǵan týrıster bul tólemderden bosatylady. Bul shara keleshekte bıýdjetke túsetin aýyrtpalyqty  azaıtatyn bolady. Pılottyq joba Astanada iske asady», – dedi Hasenov.

Baǵdarlama aıasynda e-Visa jáne e-Hotel júıesin engizý jáne «shaqyrý» opsııasyn alyp tastaý usynyldy. Sonymen qatar mınıstrlik bos aýanyń 5 satysy boıynsha «Ashyq aspan» saıasatyn engizý usynysyn alǵa tartty.

«Shyǵyndardyń úlken úlesin avtokólikke ketetin shyǵandar quraıdy. Biz Astana, Almaty, Aqtaý jáne Shymkent ústindegi bos aýanyń besinshi satysyn engizýdi usynamyz, árıne otandyq avıa tasymaldaýshylar múddesi eskerilý kerek. Osylaısha shyǵyndar azaıady, ushý bıletteriniń ózinen 20%-ǵa deıin qysqarý oryn alady», – dep aıtyldy tanystyrylymda. 

Baǵdarlama ázirleýshileri avıakerosınge degen baǵalardy memlekettik retteýdy qaıtarý, avıakompanııanyń otyn satyp alý shyǵyndaryn sýbsıdııalaý, «Kids go Free» qaǵıdasy boıynsha oqý demalysy kezinde balalardyń ushýyn sýbsıdııalaý usynyldy. Osy sharalar el ishindegi saıahatty yntalandyryp, jolaýshylar aǵynyn ulǵaıtady.

«Atameken» UKP Basqarma Tóraǵasynyń orynbasary Oljas Ordabaevtyń pikirinshe, baǵdarlama shyn máninde strategııalyq mindetterdi qamtyp otyr, alaıda onda shaǵyn bıznesti qoldaýdyń yntylandyrý sharalary joq. Spıker О́zbekstanda qoldanystaǵy baǵdarlamany mysalǵa keltirdi.

«Onda bıznes ókilderi ınfraqurylym obektilerin salýǵa memleketten sýbsıdııa ala alady. Nemese qonaqúıler men otelderdi «juldyzdardy» alýǵa yntalandyrý. Bizde mundaı aýdıt shamamen 300 myń teńge turady, sonyń nátıjesinde eldegi otelderdiń nebári 8,5%-ynda «juldyzy» bar. Osyndaı motıvasııany quraıyq, shyǵynnyń jartysyn bolsa da ótep bereıik. Bıznes bul júıeni engizýge, onaqtarǵa usynyp otyrǵan jaǵdaıdy jaqsartýǵa daıyn bolady. О́kinishke qaraı bul sharalar, jáne shaǵyn jáne orta kásipkerlikti qoldaý boıynsha basqa da  yntylanldyrý quraldar baǵdarlamada qarastyrylmaǵan», – dep málimdedi Oljas Ordabaev.

О́z kezeginde QR  Mádenıet jáne sport vıse-mınıstri Erlan Qojaǵapanov Baǵdarlama jobasynyń qazirgi nusqasyn memlekettik organdar aldynda qorǵaý kerek ekenin aıtty.

«Kóptegen sharalarymyz qaýip aldynda tur, kóp sharalardy «kesip», dáıekterimizben kelispeı otyr. Qaıtadan qyzmetsiz sórede shań basyp jatatyn qujat alamyz degen boljam bar. О́ıtkeni, ár memlekettik organnyń óziniń fýnksııasy bar,  sony oryndaýǵa tyrysady. Qarjy mınıstrligi barynsha az qarajat bólýge, tipti bólmeýge tyrysady. Ekonomıka mınıstrligi de ekonomdaıdy. Sondyqtan barlyq múddeli taraptardyń qoldaýynsyz biz maqsatqa jete almaımyz. Bizge barlyq alańdarda belsendi qoldaý kerek», – dedi Erlan Qojaǵapanov.

Baǵdarlamanyń negizgi ázirleýshileriniń (QR Mádenıet jáne sport mınıstrligi) aıtýynsha, qujatqa kirgen sharalar Qazaqstanǵa 2023 jylǵa qaraı JIО́ qurylymynda týrızm úlesin 8%-ǵa  ulǵaıtýǵa múmkindik beredi. Týrıstik salada jumys istep jatqandar sanyn 400-den 650 myń adamǵa deıin arttyrýǵa, syrtqy týrıstik aǵyndy 6,5-den 9 mln kelishýlerge deıin, al ishki týrısterdi 4,6-dan 8 mln adamǵa deıin ulǵaıtýǵa jol ashady. 

Sońǵy jańalyqtar

Qazaqstanda dollar qymbattady

Ekonomıka • Keshe

Uqsas jańalyqtar