Saıasat • 22 Qazan, 2018

Joldaý mindetterine saı Astanada aýqymdy sharalar bastaldy

279 retkórsetildi

О́tken jumada Astana qalasy ákimdiginiń uıymdastyrýymen Prezıdent Nursultan Nazarbaevtyń bıylǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty jańa Joldaýyn túsindirý maqsatynda eńbek ujymdary, oqý oryndary, zııaly qaýym ókilderi jáne Astana qalalyq máslıhatynyń depýtattarymen kezdesý ótti. Kezdesýdi qala ákiminiń orynbasary Ermek Amanshaev ashyp, júrgizip otyrdy. 

 

Oǵan Ulttyq ekonomıka mınıstriniń birinshi orynbasary Rýslan Dálenov, Bilim jáne ǵylym vıse-mınıstri Ashat Aımaǵambetov, Qarjy mınıstrliginiń Ishki aýdıt komıtetiniń tóraǵasy Azamat Ahmetov, Syrtqy ister mınıstrligi Ha­lyqaralyq aqparat komıtetiniń tór­aǵa­sy Talǵat Jumaǵulov, Strate­gııalyq zert­­­teýler ınstıtýty dırekto­rynyń oryn­­basary Sanat Kóshkimbaev, «Jaına, As­tana» qoǵamdyq birlestiginiń tór­aǵa­­­­sy Muh­tar Erketaev jáne t.b. qatys­ty. Olar – Joldaýdy túsindirý jónin­degi res­­pýblıkalyq aqparattyq toptyń músheleri. 

Aldymen Ermek Amanshaev sóz sóılep, Joldaýdyń Astana qalasyna qandaı ózgerister men jańalyqtar áke­letinin jetkizdi. «Aldymen aıtarym, bıýdjetten aqsha alatyn 10 myń­nan astam azamattyq qyzmetkerdiń jala­qysy 30-35 paıyzǵa deıin ósetin bola­dy. Buǵan qajetti qarajat bıýdjetten tıisinshe kózdelip otyr. Eń tómen­gi eńbekaqynyń ósetinine baılanys­ty 80 myńnan astam jaldamaly jumys­shynyń eńbekaqysy da ósedi. 2018-2022 jyldarǵa qala óndirisine quıylatyn ınvestısııalardyń esebinen jańa 55 myń turaqty jáne 100 myń ýaqytsha jumys oryndary ashylatyn bolady. Elbasynyń tapsyrmasyna sáıkes, biz eńbek naryǵy júıesin barynsha jetildirip, barlyq jahandyq qaýip-qaterlerge qarsy tura alatyn jaǵdaıǵa jetkizýdi kózdep otyrmyz. Bul qatarda joǵary tehnologııalarǵa qol jetkizý men sıfrlandyrý júıeleri qatar júrgiziletin bolady, deı kelip, ol odan ári bilim berý salasyndaǵy ózgeristerge toqtaldy. «Aldymyzdaǵy bes jylda biz 37 jańa mektep qurylysy men 10 qosalqy qurylystardy aıaqtaıtyn bolamyz. Sonyń ishinde 4 nysan bıylǵy jyldyń aıaǵyna deıin paıdalanýǵa beriledi. Al 2019 jyldyń aıaǵyna deıin taǵy da 14 nysandy paıdalanýǵa berý kózdelgen. Sonymen qatar bul mektepter qazirgi 1200 oqýshyǵa arnalǵan standarttarda emes, 2500-3000 balaǵa arnalǵan, keńeıtilgen standarttarmen salynatyn bolady. Sóıtip biz Asta­nanyń 20 jyldyq tarıhynda qamtyǵan oqýshylarynyń sanyna sońǵy 5 jylda ǵana jetkeli otyrmyz. Osyndaı shara­lardyń arqasynda biz úsh aýysymdy mektepter sanyn da barynsha azaıtatyn bolamyz. Astanada birinshi ret bilim berýdi jańalandyrý ortalyǵynyń bazasy sheńberinde memlekettik jáne jekemenshik balabaqsha tárbıeshileriniń biliktiligin arttyrý, metodıkalyq kó­mek kórsetý jumystaryn bastadyq. Bul ju­mystarǵa Astana bıýdjetinen 350 mln teńgeden artyq qarajat bólin­di. Qazirdiń ózinde 1500-den astam tárbıe­shi osyndaı, biliktiligin arttyrý kýrs­tarynan ótkizildi. Sonymen qatar qalanyń bilim berý júıesine daıyndyǵy barynsha kúshti, biliktiligi joǵary muǵalim kadrlardy tartýǵa jaǵ­daı týǵy­zý jumystary da qatar júr­gizilýde. Osyǵan baılanysty, kadr­lardy sapaly daıyndaý maqsatymen bıyl ǵana asa qajetti mamandyqtar daıyndaý úshin 13 JOO-ǵa 1 myńnan artyq grant bóldik. Sóıtip bilikti pedagogtar daıyndaý bizdiń jumysymyzdyń basymdy baǵyty bolyp tanyldy», dedi ol. 

E.Amanshaev sondaı-aq Joldaýdaǵy asa mańyzdy basym­dyqtardyń biri – densaýlyq saqtaý jáne deni saý ult qalyptastyrý maqsattaryn oryndaý úshin Elbasy óziniń sózinde densaýlyq saq­taý isiniń aldyńǵy qataryndaǵy qyz­met – emhanalar men ambýlatorııa­lar sapasynyń jaqsy bolýyn atap kór­set­ken edi. Osy maqsatqa qol jetkizý úshin medısına qyzmetkerleriniń eńbek­aqysy 20 paıyzǵa kezeń-kezeńmen ósiri­letini aıtylǵan. Astanada bul 588 ýchaskelik dárigerdi jáne 1 myńǵa jýyq medbıkelerdi qamtıdy. Al jańa ádispen jumys isteý tásilin úıretý 2019 jyldyń sońyna qaraı tolyǵymen aıaqtalady. Bul medısınalyq kómek kórsetý sapasyn arttyrady degen úmittemiz. Bıylǵy jyldyń aıaǵyna deıin medısınada tolyqtaı qaǵazsyz jumys isteý ádisine kóshemiz. Búgingi tańnyń ózinde turǵyndardyń 93 paıyzy densaýlyqtyń elektrondy pasporttarymen qamtyldy. 2019 jyldyń 1 qańtarynan bastap Asta­nanyń barlyq emhanalary men aýrýha­nalary medısınalyq qujattardy qaǵaz­syz júrgizetin ádiske tolyqtaı kóshi­riledi», deı kelip, odan ári E.Aman­shaev aldymyzdaǵy jyly taǵy da 5 emhana salynatynyn atap ótti. Bul emhanalar kezekti azaıtady jáne bir dárigerge qara­latyndardyń sanyn 1700-1800 adamǵa deıin qysqartady. Al búgingi tań­da bul san 2200 adam bolyp otyr. Sony­men qa­tar osy jyldyń aıaǵyna deıin taǵy da 48 ýchaske ashý josparlanǵan», dedi ol. 

Sonymen qatar E.Amanshaev Asta­nada kásipkerlikti yntalandyrýǵa ba­ǵyttalǵan bıznes ahýaldy arttyrý sharalaryna da toqtalyp ótti. Jyl basynan beri alǵanda qaladaǵy ShOB sýbektileriniń sany 8,9 paıyzǵa artty. Jalpy ShOB óndirisinen bıýdjetke túsken salyq kólemi 297,2 mlrd teńgege jetti, dedi ol. Bul barlyq salyq kóleminiń 45 paıyzy eken. 

Odan ári halyqty turǵyn úımen qamtý máselesine toqtalǵan ákimniń orynbasary bul jumystyń Astanada qalaı júrgizilip jatqanyn qysqasha aıtyp ótti. «7-20-25» baǵdarlamasyna sáıkes úı alý úshin muǵalimderge, bıýd­jetten eńbekaqy alatyn basqa da qyzmet­kerlerge, sonyń ishinde quqyq qorǵaý organdarynyń qyzmetkerlerine 1000 000 teńgeniń sertıfıkaty berildi. Bul jumys kelesi jyly jalǵa­syn tabady», dedi E.Amanshaev. 

Osydan keıin sóz basqa spıkerlerge berilip, talqylaý qorytyndysy boıynsha Joldaýdyń barlyq pozısııalarynan qarapaıym adam naqty paıda tabady degen ustanym alǵa shyqty. 

Jaqsybaı SAMRAT,

«Egemen Qazaqstan»

Sońǵy jańalyqtar

Keńeıtilgen alqa otyrysy ótti

Qoǵam • Búgin, 09:05

Erlikti el bilýi tıis!

Qoǵam • Búgin, 08:53

Sapardaǵy syr

Rýhanııat • Búgin, 08:51

Turǵyndar qaýipsizdigi – basty nazarda

Aımaqtar • Búgin, 08:47

Aǵalardyń jas shaǵy

100 • Búgin, 08:42

Aqańnyń amanaty

Rýhanııat • Búgin, 08:40

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Aldaǵy kúnderi aýa raıy qandaı bolady?

Qazaqstan • 20 Qarasha, 2019

Elbasy Joǵarǵy sot Tóraǵasyn qabyldady

Qazaqstan • 20 Qarasha, 2019

Tapa tal tústegi qaraqshylyq

Aımaqtar • 20 Qarasha, 2019

Uqsas jańalyqtar