Jastardy qoldaý – basym baǵyttardyń biri

Qazaqstan óziniń 27 jyldyq damý tarıhynda eki jańǵyrýdy júzege asyrdy. Birinshisi jos­parly ekonomıkadan ótý bolsa, ekinshisi 2030 strategııasyn oryndaý nátıjesinde tabysty 50 eldiń qataryna qosyldy. Elbasynyń 5 qazandaǵy Jol­daýy elimizdiń úshinshi jańǵy­rýynyń jalǵasyna arnalyp otyr. Elbasy Joldaýynda bas­ty nazar aýdartylǵan salalary el ekonomıkasyn turaqty damytý, elimizdiń orta jáne shaǵyn bıznesin qoldaý ári órkendetý, elimizdiń bilim salasyna kóbirek kóńil bólý syndy ózekti máseleler qamtyldy. 

Jańa tehnologııalar, robottandyrý men avtomattandyrý eńbek resýrstaryna jáne adam kapıtalynyń sapasyna qatysty talaptardy kúrdelendirýde. Eger bizder bul salalardy durys jolǵa qoısaq, elimizdiń damýy arta túspek. Bul jolda pedogog mamandarynyń róli erekshe.

Joldaýda pedogogtardyń statýsyn qalyptastyrý máselesine basa nazar aýdarylǵan. Elimizdiń tiregi, bolashaǵymyz jastardy tárbıeleý, olarǵa bilim berý joǵarǵy bilikti ustazdarymyzdyń aldynda turǵan úlken mindet. Osy rette elimizdiń erteńin qa­lyptastyryp otyrǵan ulaǵatty ustazdarymyzdyń qoǵamdaǵy erekshe orny men eren eńbekterin baǵalaý kerek.

Joldaýda joǵary oqý or­yndarynyń jumysyn baǵa­laý­daǵy eń negizgi krıterıı retin­de túlekterdi turaqty, joǵary aqy­ly jumyspen qamtamasyz etý máselesi atap kórsetildi. Qa­zir­gi qoǵamymyzdaǵy negizgi qıyn­dyqtardyń biri – joǵary oqý ornyn bitirgen jastardyń ju­mys­syz qalýy. Endi bul máseleni sheshýge elimizdiń árbir joǵary jáne arnaýly oqý oryndary kóbirek kóńil bóletini bolshaq mamandardy qýantqany sózsiz. 

Elbasy memleketimizdiń ti­regi jastar ekendigin, bola­shaq jastardyń qolynda bolatyn­dyǵyn árbir joldaýlary men baǵdarlamasynda eskerip keledi. Osy joly da elimizdiń jastaryn nazardan tys qaldyrǵan joq. Elbasy erekshe senim artyp jáne jańa múmkindiktermen qamtamasyz etý maqsatynda aldymyzda kele jatqan 2019 jyldy «Jastar jyly» dep ataý­dy usyndy. Bul bizge berilip otyr­ǵan óte úlken múmkindik eken­digin túsinýimiz qajet. Elbasymyzdyń artqan senimin aqtaý úshin oqý ornymyzdyń barsha jastaryn osy baǵytqa jumyldyrýdy maq­sat etip qoıdyq. Barsha belsendi jastar, jas ǵalymdar men talanttar jańa ıdeıalary men jobalaryna qoldaý taba alady degen senimdemiz.

Búkil álem aldynda básekege qabiletti el bolý – bizdiń basty maqsatymyz. M.Áýezov atyndaǵy OQMÝ-dyń jastary Elbasynyń Joldaýyn tolyq qýattaı otyryp, ony is júzinde júzege asyrý jolynda ózderiniń bar kúsh-jigerin jumsaıtyn bolady. Biz, jastar Elbasy Joldaýyn qoldaımyz, el damýy jolynda aıanbaı eńbek etemiz.

Biz, shýaqty ólkeniń eljan­dy urpaqtary, Elbasy, Qa­zaq­stan Respýblıkasynyń Tuń­ǵysh Prezıdenti Nursultan Na­zar­baev­tyń basshylyǵymen júr­gi­zilip otyrǵan syndarly saıasatty qoldaı otyryp, Táýelsiz Qazaqstannyń basty jetistigi – birlik pen qoǵamdyq kelisimdi nyǵaıtýǵa bir kisideı úles qosamyz dep sendiremiz. 

Maǵjan ISAHOV, 

M.Áýezov atyndaǵy Ońtústik Qazaqstan memlekettik ýnıversıteti Jastar ortalyǵynyń dırektory