Búgingi Úkimet otyrysynda QR Premer-Mınıstri Baqytjan Saǵyntaev oblys ákimderi jeke ınvestısııa tartý jumystaryna basa nazar aýdarýlary qajet ekenin aıtty.
«2018 jyldyń 9 aıynyń qorytyndysy boıynsha ınvestısııa tartýda barlyq tıimdi kórsetkishterdiń óskenin mınıstrdiń baıandamasynan estidik. Jańa kásiporyndar men jumys oryndary quryldy.
Investorlarǵa barlyq deńgeıde memlekettik qoldaý sharalary kórsetilýde. Investısııalar tartýdyń jańa tetikteri engizilip jatyr. Degenmen, nazar aýdaratyn jaıttar da bar. Shymkent qalasynyń ákimi Ǵabıdolla Ábdirahymov óz baıandamasynda qalaǵa salynǵan jeke ınvestısııa kólemi Ońtústik Qazaqstan oblysy úlesinen tómendigi bıýdjettik ınvestısııanyń ósýine baılanysty dep aıtyp ketti. Eger biz osylaı qol qýsyryp otyratyn bolsaq, onda búkil jumysymyz bıýdjetke qarap qalady. Jalpy ınvestısııa ósimi Shymkentte 275 paıyz, al jeke ınvestısııa úlesi 65 paıyz. Mundaı jaǵdaı Soltústik Qazaqstan oblysy, Aqtóbe, Qyzylorda, Astana qalalarynda da kezdesedi. Atalǵan óńirlerde jeke ınvestısııa tartý jumysy qarqyndy dep aıta almaımyz. Barlyq jumys - bıýdjetten, respýblıkadan aqsha alý, transulttyq kompanııalardyń ınvestısııasyn ákelý. Al jeke ınvestısııa tartý, olarǵa jaǵdaı jasaý jaǵy aqsap tur», - dedi Baqytjan Saǵyntaev.
Aldaǵy ýaqytta óńir ákimderine jekeleı ınvestısııa tartý málelesin qolǵa alýdy tapsyrdy. Úkimet basshysynyń aıtýynsha, ınvestorlarmen jumys isteý úshin tolyqtaı qajetti jaǵdaı jasalǵan. Ákimderdiń arnaıy orynbasarlary jáne ár óńirde ınvestısııaǵa jaýapty qosymsha orynbasarlar Elbasynyń kelisimimen taǵaıyndalǵan.
Sonymen qatar, «Qazaq Investiń» ókildikteri men ınvestısııalyq kómek kórsetý ortalyqtary ashyldy. О́ńirlik ınvestısııalyq shtabtar quryldy. Úkimet basshysy aldaǵy ýaqytta atalǵan salaǵa jaýapty organdardy jekeleı ınvestısııa tartý máselesi boıynsha nátıjeli jumys isteýge shaqyrdy.
