Taıaýda týǵan elge záýi bir sebeppen jol túsken. Jamaǵaıynnyń janazasy edi. Seksennen asyp baryp qaıtpas saparǵa attanǵan qarııanyń aqtyq saparyna etjaqyn aǵaıyny, tilektes, nıettes jurt kóp jınaldy. Qatary seldirep qalǵan aqsaqal, qarasaqaldyń ózi bes-alty tabaq. Alǵashqyda baıqamappyn bári bir óńkeı Kókshetaýdyń bazarynda satylatyn aq kıgizden tigilgen, jelke tusy jelbireı aıyrylǵan qyrǵyz qalpaq kıipti. Quddy bir manaptardyń ortasynda otyrǵan sııaqty bolady ekensiń. El tynysy jaıly órbigen jaıaý áńgime órlep baryp basqa shyqqan. Anyǵynda basqa emes, bastaǵy qyrǵyzdyń qalpaǵyna.
– Osy ózi táp-táýir qalpaq eken, – dedi tórde otyrǵan bir aqsaqal. Ásirese jeldi kúni jaqsy, qurqyltaıdyń uıasyndaı jyp-jyly. Balalar ákelip berip edi. Basymnan tastamaı kıip júrmin.
Álgi áńgimeni qoshtaǵan ekinshi bir aqsaqal osy taraptaǵy ataly sózin aıtqan.
– Túlki tymaq, qundyz bóriktiń qarasy óshken soń qyrǵyzdyń qalpaǵyn kımegende, neni kıersiń? Jalańbas qala jazdadyq qoı.
Namyssyzdyq demeı, qaıtersiń endi?!
Baıqal BAIÁDIL,
«Egemen Qazaqstan»
