Qazaqstan • 25 Qazan, 2018

Jekemenshik balabaqsha ıelerine arnalǵan sheberlik sabaǵy ótkizildi

359 retkórsetildi

Táýelsiz elimizdiń qaz turyp, qadam basqan ýaqytynda ýrbanızasııa damyp,  halyq aýyldan jappaı qalaǵa kóship kele bastady. Osy jyldary kúnkóris qamymen júrgen ata-ananyń alańsyz qyzmet etýdiń jalǵyz joly – balalaryn bala-baqshaǵa berý bolatyn. Alaıda sol ýaqyttarda memlekettiń barlyq balany mektepke deıingi uıymmen qamtamasyz etýge jaǵdaıy bolmady. Osyǵan baılanysty jappaı jekemenshik bala-baqshalar ashý týraly sheshim shyǵaryldy.

Elbasymyz Nursultan Nazarbaevtyń tikeleı tapsyrmasymen «Balapan» baǵdarlamasy qabyldanyp, jeke bala baqshalardyń jumysyn jandandyrýǵa memlekettik bıýdjetten qarajat bólindi. Bul bastamany elimiz boıynsha Aqtóbe oblysy alǵashqylardyń biri bolyp júzege asyra bastady.  Osynyń nátıjesinde, búgingi kúni oblys 3-6 jasqa deıingi balalardy bala-baqshamen tolyq qamtyp otyr.

«Kez kelgen jańa bastamanyń bastapqy kezde túrli qıyndyqtardan ótetini zańdy. Kósh júre túzeledi degen bar. Jekemenshik bala-baqshalardy ashýda belgili talaptar bar. Bul tártipti oryndamaǵan kásipker jaýapqa tartylady. Muny kásipkerler jaqsy biledi»,-deıdi Aqtóbe oblysy kásipkerler palatasy dırektorynyń orynbasary Janaıym Kelbatyrova.

Búgingi kúni bala – baqshalarǵa ata-ana tóleıtin tólemaqy memlekettik bala-baqshalarmen teńestirildi. Bul úshin jeke bala baqshalarǵa memlekettik tapsyrys berilip, bıýdjetten qarjy bólinedi. Sondaı-aq, mektepke deıingi jeke mekemeler «Jumyspen qamtý-2020», «BJK-2020» sekildi memlekettik baǵdarlamalardyń ıgiligin kórip otyr.

Alaıda, olardyń kóbinde materıaldyq máselelermen qatar, balalardy tárbıeleýmen tikeleı aınalysatyn mamandardyń biliktiligin arttyrý problemasynyń kezdesetinin jasyryn emes. Osy olqylyqtardyń ornyn toltyrý maqsatynda «Atameken» óńirlik kásipkerler palatasy jekemenshik balabaqshalar ıelerine aqparattyq jáne bilim berý baǵytynyń jumysyn kúsheıtýge nıet bildirip otyr. Is-sharalardyń jalpy jospary aıasynda Aqtóbe qalasynda jáne jaqyn mańdaǵy aýyldarda ornalasqan jeke mektepke deıingi mekemelerdiń ıeleri úshin bıznes-tańǵy asy uıymdastyryldy.

«Búgingi kúni Aqtóbe qalasynda 90-ǵa jýyq jeke balabaqsha árbir balaǵa memleketten qarajat alady. Degenmen olardyń arasynda bala sany az bala-baqshalar materıaldyq-tehnıkalyq bazasyn jaqsartý boıynsha qarajattyń jetispeıtindigin aıtady. Ásirese, mundaı mekemelerde mamandardyń jıi aýysýy sekildi problemalar bar. Osy máselege yqpal etý maqsatynda biz búgingi sharany uıymdastyryp otyrmyz»,-deıdi О́ńirlik kásipkerler palatasynyń sarapshysy Gúlmıra Qazmuqanbetova.

Kásipkerlerge  arnalǵan oqytý semınaryn fılologııa ǵylymynyń kandıdaty, taldamaly psıhologııa baǵytynda jumys jasaıtyn halyqaralyq deńgeıdegi psıholog Sáýle Esqazına jáne «Bastaý» jobasynyń bıznes-treneri Gúlnar Seıitjapparova júrgizdi. Kásipkerlermen erkin suhbat túrindegi áńgime «Qyzmetkerlerdi basqarýdyń zamanaýı ádisteri, yntalandyrý jáne qazirgi zamanǵy tárbıe jumystaryn júrgizý» taqyryby tóńireginde órbidi. Olarǵa jeke balabaqshalardyń jumysyn jaqsartý úshin klıentke, ıaǵnı ata-analardyń talap-tilekterine baǵyttalý, kúndelikti kún tártibin balalardyń jas erekshelikterine saı qurý, krızıstik jaǵdaılardy eńserý sııaqty daǵdylardy meńgerý ádisteri týraly aıtyldy. Sondaı-aq, jeke balabaqshalardy basqarý, qyzmetkerlerdi yntalandyrý sharalary, mindetterdi bólisý, ózara til tabysý qupııalary sóz boldy. Negizgi taqyryp, jeke bala-baqshalarǵa baratyn balalardyń fızıkalyq jáne psıhologııalyq tárbıesin  durys uıymdastyrý máseleleri boldy.

«Jeke balabaqshalardyń memlekettikten aıyrmashylyǵy joq deýge de bolady. Talap birdeı, sanıtarlyq-epıdemıologııalyq qadaǵalaýdan ótip turamyz. Alaıda qyzmetkerlerdiń biliktiligin arttyrý boıynsha osyndaı semınarlardy aqyly ótemiz. Búgingi kezdesýdi uıymdastyrǵan  «Atameken» kásipkerler palatasyna alǵys bildiremiz. Kóp qajetti málimetter aldyq»,-deıdi «Botaqan» jeke balabaqsha ıesi Álııa Jalǵasbaeva.

Semınar barysynda memlekettik emes bala baqshalardyń ıeleri ózderin tolǵandyrǵan suraqtar boıynsha jaýap aldy. Olardyń aıtýynsha, mundaı bala-baqshalardaǵy maman turaqtamaýynyń taǵy bir sebebi, jekemenshik mekeme qyzmetkerleriniń túrli memlekettik jeńildikter beretin baǵdarlamalarǵa qatysa almaýynda bolyp otyr.

Sondaı-aq, bala-baqsha qyzmeterleriniń aılyǵyn kóterý jaǵy da qıyndyq keltiredi, óıtkeni ol úshin ata-ana tóleıtin aqynyń somasyn kóterý kerek. Bul máseleniń sheshimi retinde bala-baqsha ıeleri jan basyna bólinetin memlekettik bilim berý tapsyrysynyń kólemin ulǵaıtý múmkindigin qaıta-qaraý kerektigin alǵa tartýda. «Atameken» óńirlik kásipkerler palatasynyń mamandary bul usynysty memlekettik organdarǵa joldanatynyn aıtyp, jekemenshik balabaqshalar ıelerine aqparattyq jáne bilim berý baǵytynyń jumysyn budan ári de jalǵasatyrýǵa nıet bildiretinin jetkizdi.

Temir QUSAIYN,

«Egemen Qazaqstan»

Sońǵy jańalyqtar

El ekologııaǵa alańdaıdy

Ekologııa • Búgin, 10:55

Jalǵan aqparat taratqandar jazalanady

Aımaqtar • Búgin, 10:42

Mańǵystaý oblysy karantınge jabylady

Aımaqtar • Búgin, 10:29

Muqtaj jandarǵa kómektesedi

Rýhanııat • Búgin, 08:10

Sabyr-shydamnyń synalar shaǵy...

Qoǵam • Búgin, 08:04

Senimimizdi nyǵaıtqan naqty qadam

Rýhanııat • Búgin, 08:02

Jastarǵa da qoldaý jasalady

Parlament • Búgin, 07:59

Toılarymyz alda!

Parlament • Búgin, 07:52

Betperde kıgen kóktem - 3

Tanym • Búgin, 07:35

Syr dıqandary soıa ósirýge den qoıdy

Ekonomıka • Búgin, 07:34

Bankter qolushyn sozýǵa daıyn ba?

Ekonomıka • Búgin, 07:24

Tártip pen tazalyq

Qoǵam • Búgin, 07:22

Qazaq qaıda barady?

Rýhanııat • Búgin, 07:12

Benzın baǵasy arzandady

Ekonomıka • Keshe

Abaıdyń ánin shyrqady

Abaı • Keshe

14 otbasyǵa qol ushyn sozdy

Qazaqstan • Keshe

Uqsas jańalyqtar