Astanaǵa «Qarajyra» markasy men «Maıkóbe» markaly kómiriniń 1596 tonnasy kelip tústi. «Shubarkól» markaly kómiriniń baǵasy astanada – 13 600 teńge, «Qarajyra» - 13 500 teńge, «Maıkóbe» - 12 500 teńge, «Bogatyr komır» - 9000 teńge, «Kýzneskıı» - tonnasy 12 250 myń teńge.
Astanada kómir satatyn 8 kompanııa bar. Budan buryn habarlaǵanymyzdaı, otyn-energetıkalyq kesheni jáne kommýnaldyq sharýashylyq basqarmasy kómir óndirýshilermen baǵany ósirmeý týraly memorandýmǵa qol qoıǵan bolatyn. Astana ákimdigi kún saıyn naryqtaǵy kómir ahýalyna monıtorıng júrgizip, baqylaýda ustap otyr. «iKomek» Qalalyq monıtorıng jáne jedel áreket etý ortalyǵynda turǵyndar úshin jedel jeli quryldy.
