Sıfrlandyrýdyń artyqshylyqtary kóp

Bul týraly turǵyn úı-kom­mýnaldyq sharýashylyǵyn sıfrlandyrýǵa arnalǵan jıynda keńinen sóz boldy. Onda mem­lekettik jáne jergilikti atqa­rýshy organdar men qazaqstandyq IT-kompanııalar TÚKSh-ny sıfr­landyrýdyń biryńǵaı tásilderin talqylap, ózara pikir almasty. 

Basqosýda Premer-Mınıs­trdiń orynbasary Asqar Juma­ǵalıev turǵyn úı-kommýnal­dyq sharýashylyǵynda sıfr­ly tehnologııalardyń mańyz­dylyǵyna toqtalyp ótti. Onyń aıtýynsha, búginde Qa­zaqstanda turǵyn úı-kommý­nal­­dyq sharýashylyǵy salasyn sı­fr­landyrý jumysy bastalyp ketti. 

TÚKSh salasyn qalaı sıfr­­landyrý kerek? Sıfr­lan­dyra otyryp, proseske qatysý­shy­lardyń barlyǵyna tıimdi bolatyn qan­daı júıe qurýǵa bolady? О́zderińiz biletindeı, Memleket basshy­synyń qoldaýymen jáne tikeleı tapsyrmasymen «Sıfrly Qazaq­stan» baǵdarlamasy bekitil­gen bolatyn. Bul baǵdarlama adam men memlekettiń barlyq sala­syn qamtıdy, dedi A.Jumaǵalıev. 

Al Investısııalar jáne damý mınıstri Jeńis Qasymbek atap ótkendeı, Qazaqstanda qazirgi ýaqytta atalǵan salany jan-jaqty qoldaý úshin reformalar júrgizilip jatyr. Parlamentte turǵyn úı qarym-qatynasy týraly zań jobasy talqylaný ústinde. Atalǵan zań jobasynda elimizdegi turǵyn úı-kom­mý­nal­dyq sharýashylyq salasyn­daǵy jańa júıeni tolyq qurý kóz­delgen. Osyǵan baılanysty bir­qatar tapsyrma bar eken. Árıne, birinshiden, sharýashylyqtar kórsetetin qyzmettiń sapasyn arttyrý kerek. Ekinshiden, TÚKSh salasyndaǵy qaýipsizdikke mańyz bergimiz keledi. Úshinshiden, tarıfterdi belgileýdegi ashyqtyq, osy saladaǵy shyǵyndardyń esebiniń ashyqtyǵy eskeriledi. Sondyqtan sıfrlandyrý máselesi TÚKSh salasy men ony damytýda eń mańyzdy jumystardyń biri. 

Sondaı-aq is-sharada E-SHAN­YRAQ turǵyn úı qory men turǵyn úı-kommýnaldyq sha­rýa­­shy­lyqtyń biryńǵaı aqparat­­tyq júıesi usynyldy. «TÚKSh Qaz­Ortalyǵy» AQ basqar­ma tór­aǵasy Nursultan Jıen­baev­­tyń aıtýynsha, júıeniń ne­gizgi maq­saty – kópshilikke qo­laı­­­ly bolýy, sonymen qatar mem­­le­­­ket­tik tapsyrmalarǵa qol jetkizý.

Is-sharaǵa shet memleketterden de qonaqtar shaqyryldy. Qazan qalasy meriniń orynbasary Iskander Gınııatýllın Tatar­stannyń TÚKSh-ny sıfrlan­dy­rýdaǵy tabysty tájirıbesi týraly, reseılik «Galaktıka» korporasııasynyń vıse-prezı­denti jáne basqarma múshesi Ser­geı Petrov Reseıdegi resýrs­tyq jabdyqtaý qyzmetin avto­mattandyrýdyń ekonomıkalyq áseri týraly, sondaı-aq DIEHL transulttyq kompanııasynyń TMD elderi boıynsha bloginiń basshysy Beate Bahtrod «aqyl­dy» esepteýishter jaıynda aı­typ berdi. Sonymen qatar shara aıasynda turǵyn úı-kommýnal­dyq sharýashylyǵynda qoldanýǵa bo­la­tyn ınnovasııalyq texnolo­gııalarǵa arnalǵan kórme de uıymdastyryldy. 

Erkejan AITQAZY,

«Egemen Qazaqstan»