Eýrazııalyq ekonomıkalyq odaqtyń soty uıymdastyrǵan is-sharaǵa QR Parlament depýtaty A. Jaılǵanova, QR Ádilet mınıstrligi Zańnama ınstıtýtynyń ókilderi J. Tlembaeva, Á.Irjanov, sondaı-aq halyqaralyq sottardyń sýdıalary, EEO múshe memleketterdiń bılik organdary basshylary, joǵary sot sýdıalary, ǵylymı qoǵamnyń ókilderi jáne praktık zańgerler qatysty.
Halyqaralyq konferensııa barysynda Zańnama ınstıtýty dırektorynyń orynbasary, dosent J. Tlembaeva «EEO soty sheshimderiniń quqyqtyq bolmysy» taqyrybynda baıandama oqydy.
Sonymen qatar, Zańnama ınstıtýtynyń ǵylymı qyzmetkeri Á. Irjanov qatysýshylarǵa «EEO soty jáne ulttyq sot organdarynyń ózara is-qımyl problemalyq aspektileri» atty ǵylymı maqalasyn usyndy. Is-shara barysynda plenarlyq otyrys boldy, onda ıntegrasııalyq prosesterdi damytýdaǵy halyqaralyq sot organdarynyń róli týraly aıtyldy.
Sondaı-aq, EEO quqyǵynyń damý tendensııalary, halyqaralyq sot tóreligi organdary men ulttyq sottar arasyndaǵy ózara baılanys, EAE quqyǵyn bıznesti qorǵaý ınstrýmenti retinde paıdalaný, EEO sottynyń quqyqtyq negizgi qyzmetin jetildirý taqyrybynda dıskýssııalyq otyrystar uıymdastyryldy.
