Álem • 29 Qazan, 2018

London, Dýblın jáne Manchester qazaqstandyq orkestrdi qoshemettedi

129 retkórsetildi

Jambyl atyndaǵy Qazaq fılarmonııalyq kameralyq orkestri Ulybrıtanııa men Irlandııa qalalaryndaǵy bir aptalyq týrnesin Dýblın, Manchester jáne Londondaǵy konsertterimen aıaqtady.

Qazaqstannyń Ulybrıtanııadaǵy Elshisi Erlan Ydyrysov qazaqstandyq mádenıetti shetelde tanymal etý isine qosqan úlesi úshin orkestr múshelerine alǵysyn bildirdi. Manchesterdegi konsertte qazaqstandyq dıplomat elimizdiń Ulybrıtanııadaǵy alǵashqy ıadrolyq qarýdan azat aımaq bolyp jarııalanǵan qalamen erekshe qarym-qatynasyn atap ótti. Manchester men Qazaqstandyq Semeı ıadrolyq qarýdan azat álemge qol jetkizýge baǵyttalǵan «Mayors for Peace» uıymy aıasynda birge jumys isteıdi.

Klassıkalyq mýzykany baǵalaı biletin meımandar, onyń ishinde ańyzǵa aınalǵan qazaq kompozıtorlarynyń týyndylaryn birinshi ret tyńdaǵandar qazaqstandyq mýzykanttar men klassıkalyq qazaq shyǵarmalarynyń erekshe dybysyn baǵalady. Konsertterge qatysqan brıtandyq saıası, ekonomıkalyq jáne mádenı ortalardyń joǵary ókilderi jáne dıplomatııalyq korpýstyń músheleri klassıkalyq qazaq mýzykasyna jáne orkestrdiń shyǵarmashylyǵyna shynaıy qyzyǵýshylyq tanytty.

Londondaǵy konsertke Ulybrıtanııa Premer-mınıstriniń Qazaqstandaǵy Saýda ókili Baronessa Emma Nıkolson, Lordtar palatasynyń múshesi, Qazaqstanmen yntymaqtastyq jónindegi kóppartııalyq top Tóraǵasynyń orynbasary Lord Mohamed Sheıh, jetekshi memleketterdiń elshileri, Ulybrıtanııa Syrtqy ister mınıstrliginiń, birqatar halyqaralyq uıymdardyń ókilderi jáne basqalar qatysty.

Tanymal kanadalyq skrıpkashy Lara Sent-Djon jáne kóptegen júldelermen marapattalǵan qazaqstandyq klarnetıst Bekturǵan Jolaman týrneniń solısteri boldy. Orkestrge jetekshilik etken ataqty qazaqstandyq dırıjer Erbolat Ahmedıarov.

Týrne barysynda orkestr «BBC Radio 3» radıosyndaǵy «In Tune» baǵdarlamasynyń tikeleı efırinde óner kórsetti. Atalǵan baǵdarlamaǵa dástúr boıynsha klassıkalyq, djaz jáne halyq mýzyka álemindegi úzdik orkestrler qatysady. Tyńdarmandar orkestrdiń jazbasyn «BBC» veb-saıtynda úsh aı boıy tyńdaı alady.

Londondaǵy konsertten keıin orkestr Mılanǵa baryp, álemdik týrnesiniń qorytyndy konsertin beredi.

Konsertterdi Qazaqstan Respýblıkasynyń Mádenıet jáne sport mınıstrligi QR-dyń Ulybrıtanııadaǵy Elshiliginiń qoldaýymen «Jahandyq álemdegi zamanaýı qazaqstandyq mádenıet» jobasy aıasynda uıymdastyrdy. Týrne Qazaqstan men Ulybrıtanııa jáne Irlandııa arasyndaǵy dıplomatııalyq qatynastardyń 25 jyldyq mereıtoıyn atap ótti.

Sońǵy jańalyqtar

Basty aqparat (19.02.2020)

Vıdeo • Keshe

Basylym basshylary - Nurlan ORAZALIN (1947)

Basylym basshylary • Keshe

Jaqsylyq júrek jylytady

Qazaqstan • Keshe

Erikti jastar erkin formatta pikir almasty

Ońtústik Qazaqstan • Keshe

Uqsas jańalyqtar