Osy joly dástúrli jıyn álemniń túkpir-túkpirinen kelgen 20-dan astam memlekettiń eki myńǵa jýyq ókiliniń basyn qosyp, rekordty jıyndar qataryna kirdi. «Nazarbaev Zııatkerlik mektepteri» DBBU men oblystyq ákimdikter arasynda jasasqan memorandýmdar aıasyndaǵy konferensııaǵa Qazaqstannyń óńirlerinen bilim berý salasynyń 700 mamany qatysty. Eń úlken delegasııalar qataryn Qaraǵandy oblysy men Astana qalasynyń ókilderi tolyqtyrdy.
Ashylý saltanatyna QR Bilim jáne ǵylym mınıstri Erlan Saǵadıev pen Nazarbaev Ýnıversıteteniń prezıdenti Shıgeo Katsý jáne «Nazarbaev Zııatkerlik mektepteri» DBBU tóraıymy Kúlásh Shámshıdınova qatysty.
– Bizdiń jyl saıyn ótkizetin halyqaralyq konferensııamyz memleketimizdiń jáne alys-jaqyn shet elderden kelgen bilim berý júıesiniń ókilderi úshin tájirıbe almasý alańyna aınaldy. Bul konferensııa-mereıtoılyq jáne Zııatkerlik mektepterdiń on jyldyǵyna arnalady, – dep atap ótti Kúlásh Shámshıdınova.
Dástúrge saı, álem moıyndaǵan sarapshylar men ǵalymdar minberden sóz aldy. Basty baıandamashylardyń qatarynda Kembrıdj Ýnıversıtetiniń bilim berý fakýltetiniń dekany Sıýzan Robertson, London ýnıversıteti bilim berý kolledjiniń qurmetti professory, «qarymdy bilim» teorııasynyń avtory Maıkl Iаng, Gonkong ýnıversıtetiniń bilim berý saıasaty departamentiniń dırektory Kaı-Mıng Cheng, EduCluster Finland syrtqy baılanystar jáne ınnovasııa jónindegi dırektor Devıd Marsh, Massachýsets tehnologııalyq ınstıtýtynyń professory Tomas Hsý, sondaı-aq bilim berý salasyndaǵy álemge áıgili ǵalymdar men top-menedjerler qatysty.
Kókshetaý, Semeı, Qaraǵandy, Taraz, BQO-taryndaǵy orta mektep muǵalimderiniń oqyǵan baıandamalary kóptiń qyzyǵýshylyǵyn týǵyzdy.
Orta bilim berý salasyndaǵy zertteýlerge suranys bar ekeni baıandamalardyń ataýlarynan aq belgili: «Bilim berýdi basqarýdaǵy kóshbasshylyq» Gúljanat Abdrahmanova Astana qalasynan, «Bilim berýdiń jańartylǵan mazmuny pedagogty kóshbasshyǵa aınaldyrý» Aqsaıdan kelgen muǵalimder Gúlnara Esmaǵulova men Irına Olhovıktiń baıandamasy.
Konferensııanyń kórkin ashqan sharalardyń biri – Halyqaralyq Gýmanıstik pedagogıka ortalyǵynyń prezıdenti, jazýshy Paata Amonashvılıdiń, elimizge tanymal jýrnalıst Gúlnar Bajkenovanyń, ekitildi jáne úshtildi baǵdarlamalar salasyndaǵy halyqaralyq ǵylymı keńesshi Pıter Mehıstonyń, metodologııalyq oqytý men bilim almasý salasynyń mamany Devıd Marshtyń qatysýymen ótken avtograf-sessııa boldy.
Konferensııa 12 baǵyt boıynsha 50 den astam is-sharalardy qamtydy. Bıylǵy jyldyń erekshelikteriniń biri – «Oqýshy daýysy» jobasy alǵash ret tárbıelenýshilerdiń qatysýymen ótip qazaqstandaǵy halyqaralyq bakalavrıat mektebiniń jumysy tanystyryldy. Sondaı-aq alǵash ret ınklıýzıvti bilim berý boıynsha seksııa uıymdastyryldy.
Basty taqyryptyrdyń ishinde – jańa ýaqyt pen bilim berý júıesindegi ornyqty ózgerister, oqytýshylar men stýdentter úshin qaýipsiz ortany qurý, sondaı-aq bilim berýdegi sandyq tehnologııalar.
Konferensııa barysynda «Nazarbaev Zııatkerlik mektepteri» Fransııanyń Qazaqstandaǵy elshiligi men Bilimkana jekemenshik mektepter jelisi (Qyrǵyzstan), jáne L. Gýmılev atyndaǵy Eýrazııa ulttyq ýnıversıtetimen ózara áriptestik týraly memorandýmǵa qol qoıdy.
Búgingi kúni astanalyq konferensııa dúnıejúzilik jáne otandyq bilim berý salasynyń keleli máselelerine arnalǵan ǵylym álemindegi bedeldi jıyndardyń birine aınaldy.
