Is-sharaǵa Qazaqstan halqy Assambleıasy Tóraǵasynyń orynbasary – Hatshylyq meńgerýshisi L.Prokopenko, QR Parlamenti Májilisiniń depýtattary, QHA músheleri, Ǵylymı-sarapshylyq keńes pen etnomádenı birlestikterdiń músheleri, dıplomatııalyq korpýstardyń, halyqaralyq uıymdardyń, memlekettik organdardyń ókilderi, Nazarbaev ýnıversıtettiń professorlary, óńirlik QHA ǵylymı-sarapshylyq toptary men kafedralarynyń músheleri, joǵary oqý oryndarynyń ókilderi, qoǵam qaıratkerleri, ǵylymı jáne shyǵarmashylyq zııaly qaýym, úkimettik emes uıymdar men BAQ ókilderi qatysýda.
Otyrystyń maqsaty – Ortalyq Azııa aımaǵyndaǵy etnoáleýmettik zamanaýı úderisteri týraly pikir almasý; qoǵamdyq sananyń jańǵyrý jaǵdaıyndaǵy etnomádenı dıalogtyń damýynyń ózekti trendterin anyqtaý.
Otyrys jumysynyń negizgi baǵyttary: memlekettik-azamattyq, óńirlik jáne etnıkalyq biregeılikti qalyptastyrý úrdisterin jańǵyrtý; jańa áleýmettik jaǵdaıdyń faktorlaryn taldaý; etnodemografııalyq úrdisterdiń ózekti máseleleri; mıgranttardyń beıimdelýi men birigý máseleleri; jastar etnomádenı dıalogta; Ortalyq Azııa elderi baılanystarynyń keleshegi; Ortalyq Azııanyń turaqty jáne beıbit damý máseleleri; ASEM "People to people" (Azııa-Eýropa forýmy) bastamasyn iske asyrýdaǵy QHA rólin talqylaý.
Is-shara moderatory - QR Prezıdentiniń janyndaǵy Memlekettik basqarý akademııasy Ortalyq Azııa óńirindegi etnosaralyq jáne konfessııaaralyq qatynastardy zertteý ortalyǵynyń basshysy, QHA ǴSK tóraıymy, áleýmettik ǵylymdarynyń doktory A.Sádýaqasova.
