Konkı sportynan álem kýbogynyń alǵashqy kezeńi 14-18 qarasha aralyǵynda Japonııanyń Obıhıro qalasynda ótedi. Aıtýly jarysta Qazaqstan komandasynyń quramasy sapynda myna sportshylar óner kórsetedi:
500 metr – Stanıslav Palkın, Artem Krıkýnov
1000 metr – Denıs Kýzın, Ivan Arjanıkov, Stanıslav Palkın
1500 metr – Demıan Gavrılov
5000 metr – Dmıtrıı Morozov, Vıtalıı Shıgolev
Komandalyq jarys – Dmıtrıı Morozov, Demıan Gavrılov, Vıtalıı Shıgolev
Komandalyq sprınt – Artem Krıkýnov, Stanıslav Palkın, Fedor Mezensev jáne Ivan Arjanıkov.
Al áıelder arasynda ótetin jarysta tek birqatar halyqaralyq týrnırlerdiń júldegeri, úsh birdeı Olımpııa oıyndaryna qatysýshy Ekaterına Aıdova ǵana óner kórsetedi. Esterińizge sala keteıik, byltyr álem kýbogynyń kezeńdik saıystary tórt aıǵa sozylyp, bul básekeler Herenven (Gollandııa), Stavanger (Norvegııa), Kalgarı (Kanada), Solt-Leık-Sıtı (AQSh), Erfýt (Germanııa) jáne Mınsk (Belarýs) qalalarynda ótti. Qazaqstandyq konkıshiler arasynda sol jarystarda eń úzdik nátıjege dál osy Ekaterına Aıdova qol jetkizdi. Ol 1000 metrlik saıysta 131 upaı jıyp, 12 orynǵa taban tiregen bolatyn.
Ǵalym SÚLEIMEN,
«Egemen Qazaqstan»
