Joldaýda nazar aýdarylǵan sala kóp

Bilim berý salasy búgingi ja­handaný jaǵdaıynda barlyq elderdiń gúldenýi men básekege qabilettiligin arttyrýdyń negizgi qozǵaýshy kúshi bolyp tabylady. Qazir álem turaqty túrde ózge­rýde. Bul ózgeristerdiń basym bó­ligi bilim berý júıesine tikeleı qatysty. 

Bilim berý salasyn reforma­laý – qordalanǵan máselelerdi sheshý úshin atalǵan baǵyttaǵy kóptegen jyldar boıǵy tájirı­belerdi zer­deleı otyryp, oń sheshim qabyl­daý maqsatyndaǵy kúrdeli mindet. Muqııat jospar­laý ózgeristerge ońtaıly beıim­delýdi qamtamasyz etedi.

Josparlaýdyń alǵashqy qa­da­my qajetti qarjy resýrstaryn tabý bolyp tabylady. Prezıdent N.Nazarbaevtyń sóılegen sózinde 5 jyl ishinde bilim, ǵylym, den­saýlyq saqtaý salalaryna barlyq kózderden jumsalatyn qarajatty ishki jalpy ónimniń 10 paıyzyna deıin jetkizý qajettigi aıtyldy.

Taǵy bir aıta keter jaıt – HHI ǵasyrdyń talaptaryna ne­gizdelgen jańa bilim berý júıe­sin damytý. Biz Prezıdenttiń «4K» úlgisine qatysty pikirin qol­daımyz. Kreatıvtilikti, synı oılaýdy, kommýnıkatıvtilikti damytýǵa jəne komandada jumys isteı bilýge basty nazar aýdarýdy qosa alǵanda, XXI ǵasyrdyń suranystaryna baǵyttalǵan bi­lim berý júıesine ınvestısııa salý jańa dáýirge ótýdiń durys joly bolyp tabylady. Bul daǵdylardy jas urpaq boıynda qalyptastyrýǵa kómektesý mańyzdy, sebebi bul bizdiń bala­larymyzǵa únemi ózgerip otyratyn ortaǵa beıimdelýge múmkindik beredi.

El Prezıdenti N.Á.Nazarbaev­tyń barlyq memlekettik mektepterge jańa bilim berý júıesi men ádisterin engizý, «Pedagog mártebesi týraly» zańdy ázirleý jáne joǵary oqý oryndarynyń bilim berý sapasyn arttyrýǵa basa nazar aýdarý sııaqty usy­nystary Qazaqstannyń bilim berý júıesin jetildirýge kómek­tesedi. Bul Qa­zaq­stannyń álem­degi eń ınno­vasııalyq jáne da­my­ǵan elderdiń biri bolýyna jol ashady.

Bizderge, ıaǵnı «MM Publica­tions» kompanııasyna, Qazaqstan se­kildi damyǵan serpindi ekono­mı­kasy bar progressıvti elmen yn­tymaqtastyq ornatý óte mańyzdy. Sonaý 1974 jyldan beri aǵylshyn tilinde joǵary sapa­ly ınnovasııalyq bilim berý materıaldaryn óndirýge maman­dan­dyrylǵan bizdiń kompanııa Pre­zıdent N.Nazarbaevtyń kózqa­rasyn tolyq qoldaıdy. Kompa­nııamyz Qazaqstan úshin arnaıy jasalǵan baspa jáne elektrondy materıaldardyń keń aýqymyn, sondaı-aq bilim berý qyzmetterin usyna alady.

Ioannıs MALKOIаNNIS,

Grekııa shet tilder oqýlyqtary baspagerleri qaýymdastyǵynyń hatshysy, «MM Publications» kompanııasynyń prezıdenti