Energetıka vıse-mınıstri Bolat Aqsholaqovtyń aıtýynsha, saýaldamaǵa qatysqan kásiporyndardy sıfrly júıege kóshirýde mınıstrliktiń kómegine muqtaj ekeni belgili boldy. Mınıstrlik «Sıfrly Qazaqstan» baǵdarlamasy boıynsha uzyn sany 15 iri joba usynǵan. Ony júzege asyrýǵa qajetti qarajat jobanyń basty oryndaýshylary sanalatyn ulttyq kompanııalar esebinen bólinip, sıfrly júıeniń engizilýinen ekonomıkaǵa 143 mlrd teńge kóleminde qosymsha qarjy túsedi dep josparlanǵan.
2017-2022 jyldarǵa arnalǵan «Intellektýaldy ken orny» aqparattyq júıesi aıasynda «QazMunaıGaz» ulttyq kompanııasy sıfrly júıege kóshýge 25 mlrd teńge jumsap, onyń qaıtarymy 56 mlrd teńgeni quramaq. Jobalardyń tikeleı ekonomıkalyq áserin sanamaǵanda, mınıstrlik osy arqyly munaı salasyndaǵy kóleńkeli saýdanyń da aldyn almaq.
«QazTransOıl» kompanııasy munaı tasymalynda «aqyldy» tehnologııalardyń kómegimen saladaǵy operasııalyq shyǵyndardy eselep azaıtýdy kózdep otyr. Sol sııaqty, «QazMunaıGaz»-dyń janarmaı quıý beketteri Astana qalasynda «smart-beket» qyzmetin engizip jatyr.
– Bul qarapaıym tutynýshylarǵa arzan jáne sapaly janarmaıdy barynsha ońaı ári qaýipsiz jetkizýdiń tıimdi tásili,– deıdi Bolat Aqsholaqov.
Sonymen qatar vıse-mınıstr óz sózinde aldaǵy ýaqytta eldegi úsh iri munaı óńdeý zaýyttarynyń da sıfrly júıemen jumys isteı bastaıtynyn aıtty. Bul bastamanyń aıasynda munaı óńdeý zaýyttary burynǵydaı jyl saıyn bir aı boıy jóndeýdi kútip turmaı, úsh jylda bir-aq ret qysqamerzimdi josparly jóndeýden ótetin boldy. Osy bastamalardyń arqasynda eldegi janarmaı tapshylyǵy da joıylyp, baǵanyń arzandap qalýy ǵajap emes.
Budan bólek, qorshaǵan ortany qorǵaý jumystarynyń tıimdiligin arttyrý úshin mınıstrlik sıfrly júıege ınvestısııa quıylatyny týraly qulaǵdar etti.
Shynarbek JOMARTULY,
jýrnalıst
