Qysqa ázirlik oıdaǵydaı

Qysqa ázirlik jumystaryn uıymdastyrý aıasynda áskerı jáne arnaıy tehnıkaǵa sapaly qyzmet kórsetip, qarý-jaraqtyń jaı-kúıin teksertip, anyqtalǵan aqaýlyqtardy joıýǵa týra keledi. Quramalar men bólimderde bar­lyq sanattaǵy áskerı qyzmet­shilerm­en jaýyngerlik mashınalar parkterinde maýsymdyq jumys­tardy uıymdastyrý, sondaı-aq tehnıkada jumys isteý kezinde qa­ýipsizdik sharalaryn saqtaý jóninde kórsetilimdi sabaqtar ótkizildi.

Bar­lyq áskerı bólimderi men bólim­she­leri aldyn ala qajetti qosalqy ból­shektermen, aspappen jáne janar-jaǵarmaıdyń barlyq túrle­rimen qamtamasyz etildi. Endi arnaıy belgilengen ýaqytta áskerı qyzmetshilerge tómen salqyndatqysh suıyqtyqtardy, súzgileý element­teri men tozyǵy jetken rezeńke teh­nıkalyq buıymdardy, maı men maı­laǵyshtardy aýystyrý, to­raptar men mehanızmderdi retke kel­tirip, jóndeý qajet. Árbir jaýyngerlik mashınalar parkiniń aýmaǵyn tıisti jónge keltirip, saqtaý oryndarynyń, parktik úı-jaılardyń aǵymdaǵy jóndeýin júrgizý, óndiristik jabdyqqa qyzmet kórsetý de mańyzdy jumystardyń biri bolyp tabylady. Sol sebepti maýsymdyq jumystardy júrgizý kezinde jaýyngerlik jáne arnaıy tehnıkanyń, sondaı-aq jeke quram men qaýipti júkterdi tasymaldaýǵa arnalǵan avtomobılderdiń tehnı­kalyq jaı-kúıine erekshe nazar aýdarylatyn bolady.

Qorǵanys mınıstriniń birinshi orynbasary – Qarýly Kúshter Bas shtabynyń bastyǵy, general-leıtenant Murat Maıkeev bastaǵan komıssııa Almaty, Qapshaǵaı jáne Gvardeısk garnızondary áskerı bó­lim­deri men quramalary nysan­da­ry­nyń qysqy kezeńge ázirligin tekserdi.

Jumys sapary barysynda ko­mıssııa áskerı bólimder men qura­malardyń oqý-materıaldyq baza­synyń jaı-kúıin, qarý-jaraq pen áskerı tehnıkanyń qysqy paıdalaný rejimine kóshirilý sapasyn, qarý-jaraq pen áskerı tehnıka­nyń, baılanys quraldarynyń saqtalý sharttaryn jáne órtke qarsy qaýipsizdikti tekserdi. Son­daı-aq atalǵan garnızondardyń áskerı bólimderi men quramalary bólimsheleriniń qorytyndy tek­seristi tapsyrýynyń baqy­lanýy júzege asyryldy jáne bitim­ger­shilik rotasynyń daıyndyǵy tek­serildi. Sapar qorytyndysy boıynsha Bas shtab bastyǵy áskerı bólimder men quramalardyń qol­basshylyǵyna áskerlerdiń ja­ýyngerlik ázirligin arttyrý máseleleri boıynsha naqty baǵyt­tardy aıqyndap berdi.

Jaqsybaı SAMRAT,

«Egemen Qazaqstan»