Jıynda Aqtóbe oblysynyń ákimi Berdibek Saparbaev atap kórsetkendeı jyl saıyn agrarlyq sektorly odan ári damytý úshin oblystyq bıýdjetten 13-15 mıllıard tenge qarajat bólinedi. Bul qomaqty soma qaıtarymsyz, nátıjesiz emes. Buǵan aýyl sharýashylyǵy ónimderi artyp kele jatqany aıqyn aıǵaq.
Aıtalyq bıylǵy jyldyń ótken 9 aıynda aımaqtaǵy aýyl sharýshalyǵy qurylymdary 157 mıllıard tengeniń ónimin shyǵarǵan. Munyń ózi ótken jylmen salystyrǵanda 4 paıyzǵa joǵary. Jyl aıaǵyna deıin bul kórsetkish taǵy da ósedi dep kútilýde. Sonymen birge atalǵan kezeńde salaǵa 15 mıllıard tengeniń ınvestısııasy tartylǵany da táýir nátıje bolmaq. Al eksporttyq ónim degen kezde oblysta negizinen et eksporty jóninde belgilengen meje artyǵymen oryndalyp keledi. Áıtse de munyń ózi tabys shegi bolyp qala almasa kerek. Sonymen bir mezgilde eksporttyq ónim aýmaǵyn ulǵaıtý sharalary belgilenip, onyń geografııasyn kórshiles О́zbekstan jáne Arab elderimen keńeıtý sharalary belgilengen.
Aqtóbe mal sharýashylyǵyn órkendetýge óte qolaıly óńir ekendigi aıtylyp ta jazylyp ta júr. Endeshe óńirdiń bul baǵyttaǵy áleýeti men múmkindigin odan ári ósirý joldaryn izdestirgenniń eshqandaı artyqshylyǵy joq. Qazirgi kezde óńirde mal basynyń ósý kórsetkishi 5-7 paıyz tóńireginde. Bylaısha qaraǵanda táp-táýir kórsetkish. Áıtse de muny 10-15 paıyzǵa deıin kóterýge tolyq múmkindikter bar ekeni kámil. Onyń basty joly –asyl tuqymdy mal sanyn kóbeıtý jáne mal azyǵy bazasyn ulǵaıtý bolyp otyr. Joldaýda qoıylǵan basty mindetterdiń biri de osy. Taǵy bir aıta keterlik másele búgingi tańda oblystaǵy agroqurylymdardyń deni –usaq sharýashylyqtar. Bulardyń túsetin tabys pen paıda tómen ekenin tájirıbe kórsetip keledi.
Sondaı-aq usaq sharýashylyqtarǵa qarjylaı kómek berýdiń tıimsizdigi de aıqyn kórinýde. Bul aıtylǵandardyń sany bar da, sapasy kúmándileý aýyl sharýashylyǵy kooperatıvterine de qatysy bar. Sondyqtan da ony irilendirý men áleýetin arttyrý isi de aldaǵy ýaqyttyń enshisine tımek. Bir sózben aıtqanda memlekettiń bir tengesin belgili bir ýaqyt ishinde 1,5-2 tenge ákeletindeı esep jasalyp, soǵan sáıkes tııanaqty is tyndyrylýǵa tıis. Tek sonda ǵana ekonomıkanyń únemdiligi men tıimdiligine qol jetkizýge bolatyny anyq. Jıyn kezinde osyndaı uıǵarymdar jasaldy.
Joldaýda qoıylǵan basty mindettrdiń biri –jalaqy mólsherin ósirý ekeni belgili. Osy oraıda eki-úsh aýyz derek keltirsek, oblysta 6200 sharýashylyq sýbektileri bar ekenin kóremiz. Munda 32 myńnan astam adam jumys jasaıdy. Olardyń ortasha jalaqysynyń mólsheri 78 myń tengeniń tóńireginde. Sóz joq, bul agroónerkásip kesheni qyzmetkerleriniń jalaqysy tómen ekenin kórsetedi. Endeshe ony ósirý máselesi ótkir qoıylýǵa tıis. О́ńirde bul máseleniń sheshimi 1 jeltoqsanǵa deıin alynyp, jalaqy mólsheri 10-15 paıyzǵa deıin ósirilmek.
Joldaýdy talqylaǵan jıyn kezinde aýyl sharýashylyǵy qyzmetkerleri salalyq kásipodaǵy Aqtóbe oblystyq fılıalynyń tóraǵasy Turaqbaı Sultanǵalıev sóz alyp, Memleket Basshysy tarapynan agroónerkásip kesheniniń áleýetin arttyrýǵa basymdyq berilgeni úlken serpilis týǵyzǵanyn atap kórsetti. Budan ári ol jumys berýshiler men jumysshylar taraptary arasynda áleýmettik-ekonomıkalyq jáne eńbek kepildikteri boıynsha 62 ujymdyq shart jasalǵanyn alǵa tartty. Salalyq kásipodaq tóraǵasy Joldaýda aıtylǵan tapsyrmalar men mindetter júzege asqan jaǵdaıda aýylsharýashylyǵy qyzmetkerleriniń jaı-kúıi jaqsara túsetini jóninde oımaqtaı oı túıin jasady.
Temir Qusaıyn,
«Egemen Qazaqstan»
AQTО́BE
