Elordaǵa kelgen shyǵysqazaqstandyq oqýshylardyń Elbasy Nursultan Nazarbaev irgesin qalaǵan L.N.Gýmılev atyndaǵy Eýrazııa ulttyq ýnıversıtetin aralap, alǵan áserlerin ortaǵa saldy.
Eń aldymen jarmalyq mektep oqýshylarynyń nazary kire beris foıedegi úlken ekranǵa tústi.Bári onda kórsetilip jatqan «Eýrazııa ulttyq ýnıversıteti» atty beınefılmge baılanyp qalǵandaı. Sóılep jatqan sheteldik stýdent Dana Muqııattyń EUÝ-degi beınesin kórip, top-tobymen tura qalǵan. Dana Muqııat:
«Men Eýrazııa ulttyq ýnıversıtetiniń birinshi kýrs stýdentimin, Halyqaralyq qatynastar mamandyǵy boıynsha bilim alamyn. Bolashaqta ártúrli elder arasynda ortaq til tabysýǵa kómektesetin dıplomat bolýdy armandaımyn. Meni EUÝ-de kóptegen shetel memleketteriniń úzdik oqytýshylary sabaq beretini qyzyqtyrdy. Ekinshiden, mundaǵy muǵalimder óte bilimdi jáne tájirıbeli. Halyqaralyq qatynastar qazirgi kezde naǵyz ámbebap mamandyq bolyp sanalady. Oqý birgennen keıin ýnıversıtette alǵan bilimim bolashaǵyma jol ashatynyna senimdimin. Sondyqtanda osy oqý ornyn tańdaǵanym óte durys boldy dep oılaımyn,– dep, oqýshylardyń ýnıversıtetke degen qyzyǵýshylyǵyn odan saıyn oıatty.
Astana qalasyndaǵy №67, №63 gımnazııa, №64 lıseı, №49 orta mektep oqýshylary jáne Shyǵys Qazaqstan oblysy Jarma aýdanynyń ozat oqýshylary odan ári sıfrlandyrý boıynsha pavılondardy aralap shyqty.
Bir baıqaǵanymyz, ár oqýshynyń kókeılerinde álginde ǵana ózderi ekrannan kórip, daýsyn tyńdaǵan sheteldik stýdent Dana Muqııattyń «Osy oqý ornyn tańdaǵanym óte durys boldy» degen úni jańǵyryp bara jatqandaı kórindi.
