«Bizdiń óńirimizdegi qyzmet kórsetý sapasy aıtarlyqtaı jaqsaryp keledi. Degenmen halyqaralyq standarttarǵa saı bolý úshin sheteldik sarapshylardy tartýdy jón sanadyq. Qyzmetkerlerimiz germanııalyq sarapshydan biraz nárseni úırendi. Germanııadaǵy qonaq úı bıznesiniń standarttary bizdikinen ózgerek. Oǵan halyqtyń turmys deńgeıi de áser etedi. Alaıda alarymyz kóp eken»,-deıdi «Meıramhana jáne qonaq úıler qaýymdastyǵynyń» tóraıymy Baný Tilegenova.
Kornelıýs Kırsh - Germanııamen qatar, Afrıka, AQSh elderiniń "Ramada Hotels International" sekildi birneshe qonqúılerin, Nıý-Iorktegi nemis týrızmi ortalyǵyn basqarǵan 50 jylǵa jýyq tájirıbesi bar, bilikti maman.
«Aqtóbelik qonaqúı jáne meıramhana ıeleriniń ulttyq mádenı muralardy jańǵyrtýǵa talpynystary unady. Dástúr-salttaryńyz, taǵamdaryńyz da maqtaýǵa turarlyq. Alaıda, belgili bir standarttarǵa saı bolý-jańa deńgeıge kóterilýge sebepshi bolady. Meıramhana men qonaqúı bıznesinde tártip pen komandada jumys isteý sharttaryn buljytpaı oryndaý kerek. Sonda ǵana bul bıznesti tabysty etýge bolady»,-dep óz oıymen bólisti Kornelıýs Kırsh.
Budan buryn sarapshy Mártók aýdanyndaǵy «Zárý» shıpajaıynyń qyzmetkerleri jáne aýdandaǵy meıramhana basshylarymen kezdesip, Aýylsharýashylyǵy kolledjderiniń stýdentterine sheberlik sabaǵyn ótkizgen bolatyn.
«Bizdiń óńirimizdegi damytýdy qajet etetin baǵyttardyń biri-meıramhana men qonaqúı bıznesi. Ol úshin qyzmetshilerdiń biliktiligin arttyrý mańyzdy. Bizde, aıtalyq, daıashy, ákimshi sekildi mamandardy daıarlaıtyn ortalyqtar kemshin. Bul úshin meıramhana ıelerine «Atameken» kásipkerler palatasynyń sheteldik mamandardy shaqyrtý boıynsha baǵdarlamalary tamasha múmkindik beredi»,-deıdi Aqtóbe oblysy kásipkerler palatasynyń Damılıa Qunanova.
Temir Qusaıyn
«Egemen Qazaqstan»
