Jıynǵa Qazaqstan halqy Assambleıasy Tóraǵasynyń orynbasary – Hatshylyq meńgerýshisi L.Prokopenko, Parlament Májilisiniń depýtattary, memlekettik organdar ókilderi, Qazaqstan halqy Assambleıasy Ǵylymı-sarapshylyq keńesiniń músheleri, Assambleıanyń ǵylymı-sarapshylyq toptary men kafedralarynyń jetekshileri, qoǵam qaıratkerleri, sarapshylar, ǵylymı zııaly qaýym, etnomádenı birlestikter ókilderi qatysty.
Gúlshara Ábdiqalyqova quttyqtaý sózinde Elbasy Nursultan Nazarbaevtyń: «Barlyq kezeńde de tabysqa degen nyq senim men halyqtyń birligi ǵana el taǵdyryn sheshken. Birlesken kúsh-jigerimizdiń arqasynda ǵana biz uly asýlardy baǵyndyra alamyz», degen sózine toqtaldy.
Memlekettik hatshy árbir qazaqstandyqtyń jańǵyrýlar úderisine atsalysý sezimin qalyptastyrý jolyndaǵy Qazaqstan halqy Assambleıasynyń qyzmetin ǵylymı-sarapshylyq turǵydan qoldaýdyń mańyzdylyǵyna, sondaı-aq qoǵamdyq sanaǵa «Rýhanı jańǵyrýdyń» biriktirýshi ári jasampazdyq áleýetin tereń sińirý qajettigine toqtaldy.
– Prezıdent jarııalaǵan Jastar jyly aıasynda jastarǵa jáne otbasy ınstıtýtyna qoldaý kórsetý ǵylymı-sarapshylyq jumystyń mańyzdy baǵyty bolýǵa tıis, – dedi Memlekettik hatshy.
Otyrysta júrgizilgen zertteýler nátıjeleri men áleýmettik-demografııalyq jáne etnosaralyq saladaǵy 2019-2020 jyldarǵa arnalǵan ǵylymı jumystar josparlary, sondaı-aq Qazaqstan halqy Assambleıasynyń «Qazaqtaný», «Uly Dala eliniń kıeli murasy» jobalarynyń júzege asyrylý barysy talqylandy.
Shyǵys Qazaqstan oblystyq tarıhı-ólketaný mýzeıiniń «Dala Ámirshileriniń Altyny» kórmesi men E.Bóketov atyndaǵy QarMÝ-diń Saryarqa arheologııalyq ınstıtýtynyń kórmesi uıymdastyryldy. Ǵylymı-sarapshylyq keńes músheleriniń, ál-Farabı atyndaǵy QazUÝ-diń Qazaqstan halqy Assambleıasy kafedraaralyq ǵylymı-aǵartý ortalyǵynyń jáne E.Bóketov atyndaǵy QarMÝ-diń Qazaqstan halqy Assambleıasy kafedrasynyń jańa ǵylymı materıaldarynyń tanystyrylymy ótti.
Beken QAIRATULY,
«Egemen Qazaqstan»
