Elbasynyń sátti júzege asyrylyp kele jatqan salıqaly saıasatynyń arqasynda barsha qazaqstandyqtar, sonyń ishinde Jánibek aýdany turǵyndary da bolashaqqa nyq senimmen qadam basyp, keleshegine zor úmitpen qarap keledi. Oǵan dálel Prezıdent qabyldaǵan «Nurly jer», «Nurly jol» syndy keshendi baǵdarlamalar men jyl saıyn qazaqstandyqtarǵa arnaıtyn Joldaýyndaǵy naqty tapsyrmalarynyń oryndalýy.
Jol – ekonomıkalyq qalypty damýdyń negizgi faktorlarynyń biri ekendigi belgili. Bul turǵyda, Memleket basshysy N.Á.Nazarbaevtyń bıyl óńirimizge jasaǵan saparynyń barysynda oblys ortalyǵynan shalǵaı ornalasqan Bókeı ordasy, Jánibek aýdandaryna avtomobıl jolyn salý boıynsha Úkimetke bergen tapsyrmasyn aýdan jurtshylyǵy zor qýanyshpen qabyl aldy. Dana halqymyzdyń naqyl sózi «Jol azabyn júrgen biler» demekshi, atalmysh joldyń salynýy aýdannyń, qala berdi Astanadan shalǵaıda jatqan Batys Qazaqstan oblysynyń turmysy men tynys-tirshiliginiń, týrızminiń damýyna zor septigin tıgizeri haq. Qazirgi tańda Elbasynyń bul tapsyrmasyn júıeli túrde iske asyrý maqsatyndaǵy jumystardyń bastaý alǵandyǵyna kýá bolyp, jaqyn arada tirshilik kóziniń biri sanalatyn jol qurylysynyń aıaqtalyp, el ıgiligine tapsyrylatyndyǵyna aýdan halqynyń senimi mol.
Memleket basshysynyń bıyl 5 qazandaǵy Qazaqstan halqyna arnaǵan «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda halyqtyń áleýmettik jaǵdaıy men turmys sapasyn arttyrýdy basymdyqqa ala otyryp, árbir qazaqstandyqtyń elimizde júrgizilip jatqan reformalardyń mánin jáne olardyń Otanymyzdy órkendetý jolyndaǵy mańyzyn jete túsiný qajettigine toqtaldy. Bul bastamalardy barsha jánibektikter de qoldap, qýattaıdy.
Sonymen qatar osy Joldaýda naqtylap atap ótkendeı, halyqtyń alańsyz ári qolaıly jaǵdaıda ómir súrip, jumys jasaýyna jaǵdaı týǵyzý syndy tapsyrma da aýdanymyzda retimen iske asyrylýda. «Nurly jer» keshendi baǵdarlamasy aıasynda ótken jyly 24 otbasyna jańadan salynǵan turǵyn úı kilti tabystalsa, bıyl 80 otbasyna arnalǵan turǵyn úı qurylysynyń jumysy aıaqtaldy. Tipti dúrkirep turǵan keńestik kezeńde bir jyldyń ishinde dál osyndaı qurylys qarqyny bolǵan emes.
«О́ńirlerdi damytý» baǵdarlamasy aıasynda bıyl Aqoba, Talov aýyldaryna taza aýyz sý tartý jumysy júrgizilip, nátıjesinde aýdan kólemindegi barlyq okrýg ortalyqtaryndaǵy turǵyndar taza aýyz sýmen qamtylyp otyr. Sondaı-aq bıyl О́nege, Maıtúbek, Jumaev eldi mekenderin gazdandyrý jumysy júzege asyp, aýdanymyzdyń barlyq eldi mekeni tolyqtaı kógildir otynmen qamtylmaq.
Mundaı ilkimdi isterdiń júıeli túrde atqarylyp, shalǵaıdaǵy aýyldar men eldi mekenderge bar jaǵdaı jasalýy – Elbasynyń árbir eldimekenniń jaǵdaıyn jaqsartýǵa baǵyttalǵan áleýmettik saıasatynyń nátıjesi dep túsinemiz.
Bıylǵy Joldaýdyń taǵy bir ereksheligi – pedagogtardyń mártebesin arttyrý maqsatynda arnaıy «Pedagog mártebesi týraly» zańdy ázirleýge tapsyrma bergeni. Bul qujat sanaly tárbıe men sapaly bilimdi urpaqtar boıyna sińdiretin ustazdar qaýymyna erekshe kóńil bólýdiń, dárejesin arttyrýdyń, qurmet pen qamqorlyqtyń kepili bolatyn qujat dep esepteımiz.
Osy Joldaýdaǵy eń tómengi jalaqyny 1,5 esege kóbeıtý, 5 jyl ishinde bilim, ǵylym, densaýlyq saqtaý salalaryna barlyq kózderden jumsalatyn qarajatty IJО́-niń 10%-ǵa deıin jetkizý, aýyldyq jerlerde alǵashqy medısınalyq-sanıtarlyq kómektiń qoljetimdi bolýyn qamtamasyz etý, «Bıznestiń jol kartasy – 2020» baǵdarlamasynyń qoldanylý merzimin 2025 jylǵa deıin uzartý syndy naqty tapsyrmalar el turǵyndarynyń ál-aýqaty jaqsarýyna alyp keletindigi sózsiz.
Sonymen qatar qazirgi tańda el ekonomıkasyn damytýdaǵy reformalardyń tabysty iske asyrylýyna jastarymyz, jalpy qoǵam tutastaı jumyla otyryp, aıanbaı eńbek etýde. Elbasy únemi zor senimmen qaraıtyn el jastarynyń qýanyshy – keler jyldyń «Jastar jyly» dep jarııalanýy desek, árqashan memlekettiń qoldaýyn sezinýshi jalyndy jastarymyzǵa bul jyl jańa serpin men tyń jiger syılaıtyn kezeń bolmaq.
Egemen eliniń ydyramas yntymaǵy men týǵan halqynyń áleýmettik jaǵdaıyn, turmys sapasyn arttyrýdy basty maqsat tutqan Elbasymyzdaı tulǵaǵa Jánibek aýdany jurtshylyǵy atynan shynaıy alǵysymyzdy bildire otyryp, álemniń barynsha damyǵan 30 eliniń qataryna qosylý jónindegi uly murattarǵa jetý maqsatyndaǵy baǵa jetpes qajyrly eńbegine tabys tileımiz!
Qurmetpen,
Jánibek aýdanynyń turǵyndary
Batys Qazaqstan oblysy
