Aýyl • 06 Qarasha, 2018

Memleket pen jekemenshik arasyndaǵy nátıjeli baılanys

252 retkórsetildi

Memleket pen jekemenshik sektor arasyndaǵy áriptestik baılanys nyǵaıǵan saıyn nátıjeli jumystar sany da artyp keledi. Ásirese aımaqtardaǵy eki jaqty qarym-qatynastyń jemisin el kórip otyr.  

Mysalǵa, Almaty oblysynda 2016-2019 jyldar aralyǵynda jalpy somasy 220,5 mlrd teńge bolatyn 41 jobany iske asyrý josparlanǵan bolsa, búginde 8,7 mlrd teńgeni quraıtyn 12 joba sátti júzege asyrylǵan. Iаǵnı, bul jobalardyń barlyǵy óńir turǵyndarynyń ıgiligine qyzmet etýdi bastady degen sóz. Zerdelep qarasaq, oblystaǵy memleket pen jeke sektor arasynda júzege asa bastaǵan joba­lardyń basym bóligin aýyl sharýa­shylyǵy men bilim berý salasyna baılanysty qol qoıylǵan kelisimsharttar quraıdy eken. Bul – qos taraptyń qol jetkizgen ýaǵdalastyǵynyń nátıjesinde jańadan salynatyn qurylys nysandary men baǵdarlamalyq bastamalardyń naǵyz suranysqa ıe ári demeýdi qajet etetin salalarǵa baǵyttalǵanyn bildiredi.

– Memleket basshysy Nursultan Nazarbaev bıylǵy Joldaýynda elimiz­diń kásipkerlerin óńirdi damytýǵa atsa­lysýǵa shaqyrdy. Bul – otanshyl azamat­tardyń paryzy. Al memleket pen bıznes arasyndaǵy baılanys úlken jobalar­dy birigip júzege asyrýǵa keń jol ashyp otyr. Qazir qarjysy bar kásip­ker ekijaqty áriptestik aıasynda aımaqtan kásiporyn, mektep, balabaqsha, basqa da áleýmettik nysandardy salý­ǵa, qurylysyn qarjylandyrýǵa qatysý­ǵa yntaly. Bul jerde elimizdiń «Mem­lekettik-jekeshelik áriptestik týraly» Zańyna engizilgen ózgertýler men tolyq­tyrýlardyń nátıjesin atap aıtýymyz kerek. Zańda jobalardy josparlaýdyń birqatar úrdisteri ońtaılanǵan. Mysaly, buryn josparlaý úrdisi 5 kezeńnen tursa, qazir ol jeńildetilip, 3 kezeńge deıin qysqardy. Onyń ishinde ınvestısııalyq usynysqa saraptama júrgizý, konkýrs­ty ótkizý men kelisimshartty ázirleý kezeńderi jedeldetilip, bıýrokratııa joıyldy. Nátıjesinde memleket pen jeke kásipker arasyndaǵy baılanysty zańdastyrýǵa ketetin jarty jyl merzimi 3 aıǵa deıin qysqardy. Osy jeńildikter jeke kásipkerdiń óńirge ınvestısııa salýǵa degen yntasy men senimin arttyrdy, deıdi «Atameken» ulttyq kásip­ker­ler palatasynyń jobalardy súıemeldeý bóliminiń basshysy Dana Jambolatova.

О́tken jyly osy kásipkerler palata­sy­nyń tikeleı aralasýymen quny 6,6 mlrd teńge bolatyn 4 joba iske asy­ryl­ǵan eken. Áriptestik aıasynda Qarasaı aýdanynda bireshe nysan ashyl­dy. Onyń alǵashqysy 150 orynǵa laıyq­talǵan  balalar baqshasy bolsa, ekin­shisi kópsalaly «Olımp» zerthana­sy. Bul keshende medısınalyq aqpa­rat­­tyq júıe qurastyrylyp, medısına mamandary men jedel járdem júrgizýshileriniń kásibı biliktiligin arttyrý jáne jumys prosesterin avtomattandyrý bir ortalyqtan basqarylady. Nátıjesinde aýdan turǵyndarynyń den­saýlyǵyn saqtaýǵa qatysty jumysta il­ge­ri­leýshilik boldy. Al mektepke de­ıin­­gi tárbıemen qamtý isi barlyq óńir úshin ózekti bolǵandyqtan, jekemenshik balabaqshalardyń ashylýy eshqashan kóptik etpeıdi. 

Jalpy Almaty oblysyndaǵy mem­le­ket pen jekemenshik arasyndaǵy áriptestikti damytýdyń nátıjesinde jekemenshik balabaqshalar úlesi 70 paıyzǵa jetken eken. Al ótken bir jyl ishinde jeke ınvestorlardyń mektepke deıingi bilim berý baǵytyna salǵan qarjysy 1,7 mlrd teńgeni qurap otyr. Osylaısha Jetisýda memleket pen jekemenshik arasyndaǵy áriptestikti júzege asyrý belsendi  jalǵasýda. Bul maq­satqa 2018-2019 jyl ishinde ǵana 50,5 mlrd teńge bólý josparlanyp, ol qar­jyǵa 31 joba júzege asýy tıis. 

Ekijaqty kelisimniń negizinde ashylyp jatqan nysandardyń bir qataryn buqaralyq sportty damytýǵa arnalǵan dene shynyqtyrý-saýyqtyrý  oryndary quraıdy. Máselen, qazir óńirde 3 myńnan astam sportpen shuǵyldanýshyǵa arnalǵan zal jáne balalar men jasóspirimderdiń 37 sport mektebi qyzmet kórsetýde. Bulardyń deni jekemenshik sektordyń qatysýymen júzege asqan jobalar. El ıgiligin kórip otyr­ǵan sport ınfraqurylymynyń qatary áli de tolyǵýda. Buǵan deıin Jambyl, Eńbekshiqazaq, Kerbulaq jáne Alakól aýdandarynda jalpy sany 4 dene shynyqtyrý-saýyqtyrý kesheniniń qury­lysy tolyqtaı aıaqtalsa, Qarasaı aýd­a­nyndaǵy Qaskeleń qalasy men Shamal­ǵan aýylynda, Talǵar qalasynda, Kegen aýdanynyń Kegen aýylynda, Aqsý aýdanynyń Jansúgirov kentinde sport­tyq keshender qurylysy júrip jatyr. 

Sondaı-aq jospar boıynsha 2019-2021 jyl aralyǵynda Alakól aýdany Dostyq aýylynda, Eskeldi aýdanynyń Qara­bulaq kentinde, Raıymbek aýdany­nyń Narynqol aýylynda, Balqash aýdanynyń Baqanas aýylynda, Ile aýdanynyń Baıserke aýylynda, Kóksý aýdanynyń Balpyq bı kentinde de dene shynyqtyrý-saýyqtyrý keshenderi memlekettik-jekeshelik áriptestik aıasynda salynatyn bolady.

Qalmahanbet MUQAMETQALI,

«Egemen Qazaqstan»

Almaty oblysy

Sońǵy jańalyqtar

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Atyraý: 50 adamǵa ystyq tamaq jetkizdi

Aımaqtar • Búgin, 11:32

Kásipkerler tilegi eskerildi

Qoǵam • Búgin, 11:11

Qarttar úıindegi qasiret

Aımaqtar • Búgin, 10:49

Daǵdarys daýylyna tosqaýyl - J. Nurabaev

Ekonomıka • Búgin, 10:45

Fýtbol: Para aldy dep aıyptalýda

Sport • Búgin, 09:38

Úkimet otyrysy ótip jatyr

Úkimet • Búgin, 09:20

Kómek alý ońtaılandyrylady

Saıasat • Búgin, 08:25

Infeksııanyń taralý qarqyny tómendedi

Koronavırýs • Búgin, 08:05

Senimge serpin bergen málimdeme

Qoǵam • Búgin, 08:02

Alǵashqy vırtýaldy sot otyrysy

Saıasat • Búgin, 08:00

Ár azamat atsalysýy tıis

Rýhanııat • Búgin, 08:00

Koreıadan kelgen qyz

Rýhanııat • Búgin, 07:50

Irkilis bolmaıdy

Aımaqtar • Búgin, 07:45

Balalarymdy saǵynsam da...

Medısına • Búgin, 07:45

Qaýipti indetpen qalaı kúresýde?

Aımaqtar • Búgin, 07:45

Jemqorlyqpen kúres jalǵasyn tabýda

Saıasat • Búgin, 07:40

Apatpen oınamaıyq, oılanaıyq aǵaıyn...

Rýhanııat • Búgin, 07:40

Jeńildetilgen nesıe jetken joq

Ekonomıka • Búgin, 07:38

Kıdim kamzol

Rýhanııat • Búgin, 07:35

Uqsas jańalyqtar