Atap aıtqanda, memlekettik tapsyrysty ornalastyrý kezinde konkýrstyq rásimderdi saqtamaý, stýdentterdi jalǵan oqytý, granttardy zańsyz taǵaıyndaý, oqytýshylardyń biliktilik talaptaryna saı kelmeýi, stýdentterdi jataqhanalarmen qamtamasyz etpeý, sondaı-aq, memlekettik múlikti zańsyz jalǵa berýden tabys alý faktileri anyqtalǵan. «Jumys ornymen qamtylǵan túlekterdiń sany týraly málimetterdi jasandy túrde arttyrý arqyly jalǵandaý, sondaı-aq, oqý oryndarynyń ákimshiligimen túlekterdiń jumyspen qamtylýyna kómek kórsetpeýi jıi oryn alǵan.
Memlekettik bilim berý tapsyrysyn ornalastyrý erejeleri buzylyp, naqty aıtqanda, basqa jerlerden kelgen stýdentter jataqhanalarmen qamtamasyz etilmegenine qaramastan, oblystyń bilim berý basqarmasy jyl saıyn Semeı qalasynyń bıznes jáne servıs kolledjine, Aıagóz qalasyndaǵy polıtehnıkalyq kolledjine jáne О́skemen qalasyndaǵy eki kolledjge granttar bergen. Sondaı-aq, kolledj ákimshilikteri stýdentterdiń jataqhanada turý baǵasyna memlekettik tapsyrys boıynsha kelisimsharttyń jalpy somasyna engen kommýnaldyq qyzmetter úshin shyǵyndardy engizgen, jataqhanalardaǵy bólmelerdi úshinshi tulǵalarǵa jalǵa bergen.
Kúrshim kolledjinde 12 stýdentti jalǵan oqytqan. Oqytýshylar men óndiristik oqytý sheberleri oqý sabaqtaryn ótkizý kezinde teorııalyq jáne praktıkalyq oqý jýrnaldarynda osy stýdentterge baǵa qoıǵan, olardy aralyq attestattaýǵa jibergen, kýrstan kýrstarǵa kóshirgen. Budan da basqa, osy stýdentterge stıpendııa tólenip, memleketke keltirilgen zalaldyń jalpy somasy 8 mln.teńge quraǵan. Osy fakt boıynsha sotqa deıingi tergeý júrgizilýde», - delingen prokýratýranyń baspasóz qyzmetiniń taratqan málimetinde.
Sonymen qatar kolledjderdiń aýmaǵynda múlikti jeke maqsattarynda zańsyz paıdalaný faktileri de anyqtalǵan. Mysaly, О́skemendegi Halyq ártisteri aǵaıyndy Abdýllınderdiń atyndaǵy Shyǵys Qazaqstan oblystyq óner ýchılıshesiniń aýmaǵynda uzaq ýaqyt aqyly avtoturaq ornalasqan. Prokýrordyń usynymy engizilgen soń, avtoturaq jabylyp, onyń ornynda sport alańshasyn salý josparlanýda.
Barlyǵy, tekserý nátıjeleri boıynsha prokýrorlar 43 mln.teńgedan asatyn zalaldy anyqtady. Qadaǵalaý aktileri boıynsha búgingi kúnge deıin 36 mln.teńge óndirildi. Tártiptik jaýaptylyqqa 60 tulǵa, ákimshilik jaýaptylyqqa 4 tulǵa tartyldy.
Azamat QASYM,
«Egemen Qazaqstan»
Shyǵys Qazaqstan oblysy
