...jaqsylyǵyn jetkizedi
Mal bordaqylaý alańdary artyp keledi
Buryndary úıdiń úlkenderi «Oqymasań mal baǵasyń» dep, sabaǵyna salǵyrt qaraǵan balalaryna, nemerelerine eskertý jasaıtyn. Qazir mal baqqannyń aıy ońynan týyp tur. Kimniń maly kóp, kim mal ustaıdy, sonyń turmystyq ta, qarjylyq ta jaǵdaıy jaqsy. О́ıtkeni búgin et pen sút ónimderine degen suranys kún sanap artyp otyr.
Aýylsharýashylyǵynyń bir tarmaǵy sanalatyn malsharýashylyǵyn damytýǵa arnalǵan memlekettik baǵdarlamalardy, nesıelik jeńildikterdi Saıram aýdanynyń sharýalary utymdy paıdalanyp keledi. Aýdandaǵy malsharýashylyǵyn dóńgeletip otyrǵandardyń deni iri qarany bordaqylaýmen aınalysady. Sút aýlalaryn ashyp jatqandar da jeterlik. Máselen, jyl basynan aýdanda 73 birlik10-15 bastyq shaǵyn mal bordaqylaý oryndary ashylǵan. Al aýdandaǵy osyndaı 913 alańda bir mezette 32-33 myń bas mal bordaqylanýda.
Jalpy, ótken jyldyń sáıkes kezeńimen salystyrǵanda iri qara mal basy 25,4%-ǵa, jylqy 14,3%-ǵa, qoı men eshki 19,3%-ǵa artqan. Bıylǵy jyldyń basynan tiri salmaqta 15,895 myń tonna et, 75,0 myń tonna sút jáne 9,479 mln dana jumyrtqa óndirilgen.
Jalpy, aýdannyń damý konsepsııasynda aýylsharýashylyǵy salasy boıynsha 2018 jylǵa josparlanǵan 6 jobanyń 4 jobasy iske asyp otyr.
Dáýren DÚISEBAEV,
Saıram aýdany ákimi baspasóz qyzmetiniń qyzmetkeri
Túrkistan oblysy
...senim artady
Qulshynysyn arttyratyny sózsiz
Oqý jyly bastalǵaly da biraz boldy. Bıylǵy oqý jylynyń basty ereksheligi – beriletin bilimniń barlyǵy tájirıbege barynsha jaqyn bolmaq jáne qaǵazbastylyq joıylmaq. Elbasy mektep muǵalimderiniń aldyna – oqý prosesin jetildirý, oqý tájirıbege jaqyn bolýy tıis, oqýshylar alǵan bilimderin is júzinde paıdalana alýy kerek degen máselelerdi qoıyp otyr.
Mektep baǵdarlamalaryna, onyń ishinde 5-7 synyptarǵa «О́lketaný» kýrstarynyń engizilýi – árbir oqýshynyń óz týǵan jeriniń ótken tarıhyn, kórnekti tulǵalaryn bilýge qulshynysyn arttyratyny sózsiz. Alaıda, aýyl mektepterinde «Sıfrly Qazaqstan» baǵdarlamasy aıasynda, jaratylystaný sıkli baǵytynda oqýshylarǵa aǵylshyn tilin meńgertý máselelerin sheshýge kóptegen kedergi bar ekeni belgili. О́ıtkeni tolyqqandy materıaldyq-tehnıkalyq baza bolmaı, nátıje talap etý de uzaqqa sozylary zańdylyq. Sondyqtan shalǵaıdaǵy mektepter oqýshylarynyń da bilimderin tájirıbemen ushtastyra alatyndyǵyn umytpaǵan abzal.
Taǵy bir jaǵymdy jańalyq – oqýshy sanyna qaraı mektepterge qosymsha qarjy bólip, ustazdarǵa syıaqy retinde úlestirilmek. Demek, muǵalimniń basty máseleleri jýyrda sheshilmek, al shákirtterimizdiń jaǵdaılary da ońynan júzege asady dep senemiz.
G.TOQMÝRZINA,
Qarabaý orta mektebiniń muǵalimi
Atyraý oblysy,
Qyzylqoǵa aýdany
...qynjylysyn aıtady
Qarap turyp kórshilerimnen uıaldym...
Túneýkúni úıimniń janynda bir saǵattyń ishinde 2 tóbeles boldy. Jolǵa talasqan júrgizýshiler kólikterinen túse qalyp bir-birin túıgishtedi. Bári – qazaqtar!
Taıaq jegender kinásiz. Jol erejesin buzǵandar onysymen qoımaı, jolaýshylar tasyp júrgen momyn sorlylardy urdy da tastady... Eki ret bebeýlep polısııa men jedel járdem kelip ketti. Qarap turyp koreı, orys kórshilerimnen uıaldym...
Qudaıdyń qara jolyna, keń dalasyna syımaı júrip, Qudaısyz jelide otyryp alyp basqany emes, qazaqty, qazaqtyń sút betine shyqqan qaımaǵyn, momynyn, is basyndaǵy iskerin túrtpektep, ósektep, «súrinse eken» degen pıǵyldy tyımastan – eldi, jerdi saqtap qalaıyq deısizder... Ol bolmaıdy, aǵaıyn!
Dúnıeni Alla ózgertedi. Biz paqyr ózimizdi ózimiz ózgerte almaı júrgen joqpyz ba?!. О́zgereıik!..
Qanat ESKENDIROV
Almaty
...rızashylyǵyn bildiredi
Shalǵaı aýylda ambýlatorııa ashyldy
Biraz buryn Almaty oblysy Panfılov aýdanynyń Sholaqaı aýylynda 50 oryndyq dárigerlik ambýlatorııa paıdalanýǵa berilgen bolatyn. Oǵan «Nurly jol» baǵdarlamasy aıasynda qazynadan 210 mln teńge bólinipti. Ǵımarattyń ashylý saltanatyna aýdan ákimi kelip, turǵyndardy jaqsy jańalyqpen quttyqtap, emhana basshysyna jedel járdem kóliginiń kiltin tabystady. Emhanadaǵy qural-jabdyqtardyń barlyǵy jańa ári zamanaýı. Mamandardy aldyn ala arnaıy kýrstardan ótkizdi. Al Sholaqaı aýylynda 5 myńnan asa turǵyn bar. Buǵan deıin sholaqaılyqtar kishkentaı dárigerlik pýnktke baryp qaralatyn, tipti aýdan ortalyǵyna sabylatyn. Endi mine el osy bir ıgilikti istiń shapaǵatyn kórip otyr.
Samal QABYShEVA
Almaty oblysy
...batasyn beredi
Qaıyrymdy is jalǵasyn tabady
О́tken jyly Mańǵystaý aýdany jastarynyń bastamasymen qaıyrymdylyq júıeli uıymdastyrylǵan edi. Bıyl bul úrdis jalǵasyn taýyp, aýdandyq ortalyq meshittiń naıb ımamy men aýdandyq Jastar ortalyǵynyń basshysy «Jaqsylyq jasaıyq!» aksııasy boıynsha Shetpe aýylyndaǵy turmysy tómen jandarǵa, jalǵyzbasty qarttarǵa, múgedek jandardyń úılerine arnaıy baryp, azyq-túlik jáne aqshalaı kómek kórsetti.
Arnaıy elenip jasalǵan saýapty iske muqtaj jandar aq tilekterin jaýdyryp, batasyn berdi. Osyndaı saýapty bastamaǵa úlgi bolǵan naıb ımam men aýdan jastarynyń ıgi sharasy óńir boıynsha keńinen jasalyp otyrǵany – kóńil qýantatyn jaıt.
«Dinimizde muqtajdyń qajetin ótep, jetim-jesirge qamqor bolý, jaǵdaıy tómen adamdarǵa kómek qolyn sozý qaıyrly is bolyp tabylady. Paıǵambarymyz Muhammed (s.ǵ.s.) hadısinde bylaı deıdi: «Sý otty qalaı sóndirse, sadaqa da dál solaı kúnálardy joıady» dep muqtajdyń qajetin óteýge úndegen.
Qalampyr QULMYRATOVA
Mańǵystaý oblysy
