Qylqalam qýaty

Murat Qalqabaevtyń sýret­shilik óneri tereńnen tamyr tartady. Onyń ájesi on saýsaǵynan óner tamǵan adam bolypty. Ol kisiniń qolynan shyqqan tekemetter men syrmaqtar sulý­lyǵymen kóz jaýyn alǵan. Bala Murat jastaıynan áje­siniń janynda júrip, osy ónerdiń ýyzyna qanyp ósken. Sodan da bolar, mamandyq tańdaýǵa kelgende ol kóp oılana qoımaǵan: birden Almaty kórkemóner ýchılıshesine túsken. Bolashaq sýretshi óner jolyn tekemet, syrmaq jáne gobelen jasaýdan bastapty. 

Qylqalam sheberiniń aǵasy Toqbolat Toǵyzbaev ta sýretshi bol­ǵan. О́tken ǵasyrdyń 60-shy jyldary jańa qazaq ónerin qa­lyptastyrýshylardyń biri atan­ǵan. Mamandardyń aıtýyn­sha, aǵa­ıyn­dy ekeýiniń týyn­dylary da bir-birine uqsas ke­ledi eken.

Sýretshi kıiz basý óndiri­sinde alǵashqy bolyp stanoktik ádisti engizgen. Tekemetter men syr­maqtar úshin sıýjetti sheber ulttyq folklordan alady. Eń bas­tysy, ol qolǵa alǵan ta­qy­rypty óziniń qııalyndaǵy alýan túrli mazmundyq erek­she­­lik­termen baıyta bilýdi jo­ǵa­ry dá­rejede meńgergen kási­bı maman.

Murat Qalqabaev san qyrly talant ıesi. Onyń keńistikti erkin sezine otyryp dúnıege keltirgen týyndylary osyǵan aıǵaq. Mysaly, sheberdiń «Qo­byz», «Qaza bolǵan shahterler eskertkishi», «Qýǵyn-súrgin jyldary Qazaqstanda qaza bolǵandarǵa arnalǵan eskert­kish», «Stalındik qý­ǵyn-súrginge ushyraǵan reseı­likterge arnalǵan eskertkish» atty músinderi joǵary kórkem­dik tebirenispen somdalǵan óner týyndylary retinde kezinde joǵary baǵa alǵan.

KSRO jáne Qazaqstan Sý­ret­shiler odaǵynyń mú­shesi, Qa­zaqstannyń eńbek sińir­gen qaıratkeri Murat Qal­qa­baev­tyń úzdik týyndylary AQSh, Izraıl, Kanada, Ger­manııa, Oń­tústik Koreıa, Re­seı jáne basqa da el­derdiń mý­zeılerinde, sondaı-aq jeke kol­leksıonerlerdiń qo­lynda saqtaýly.

Qaırat ÁBILDA,

«Egemen Qazaqstan»

QARAǴANDY