Kıno • 09 Qarasha, 2018

VII «Bastaý» halyqaralyq kınofestıvali aıaqtaldy

264 retkórsetildi

Almatyda tórt kúnge sozylǵan «Bastaý» stýdenttik fılmderdiń  VII halyqaralyq festıvali aıaqtaldy. 

Qarashanyń 5-8 aralyǵynda qazylar alqasy men kórermender nazaryna Eýropanyń, Azııanyń jáne TMD elderiniń eń jas rejısserleri túsirgen tańdaýly fılmder usynyldy. Bıylǵy «Bastaý» kınofestıvaline álemniń túkpir-túkpirinen 300-den astam usynys kelip túsken. Rejısser Ádilhan Erjanov basqarǵan irikteý komıssııasy konkýrsqa 22 elden kelgen 47 fılmdi tańdap alǵan bolatyn. 

– Bizdiń jas festıvalimiz bıyl jetinshi ret ótkizilip otyr jáne stýdenttik kıno men kınobiliminiń ózekti máselelerin talqylaıtyn naǵyz kásibı ortaǵa aınaldy. Bizdiń kishkentaı ǵana festıvalimiz qalamyzdyń myńdaǵan stýdentterine, sondaı-aq álemniń túkpir-túkpirinen kelgen jas kınematografısterge paıdaly bolǵanyna senimdimin, – dedi festıvaldiń prezıdenti Sergeı Ázimov.   

Sondaı-aq festıval prezıdenti sahna tórinen festıvaldi uıymdastyrýǵa belsene aralasyp, qoldaý bildirgen demeýshilerge, seriktester men festıval janashyrlaryna, ásirese festıval prezıdenti Almaty qalasynyń ákimi Baýyrjan Baıbekke, Qazaq ulttyq óner Akademııasy men «Turan» ýnıversıtetiniń basshylyǵyna erekshe alǵysyn bildirdi.

Kınofestıvaldiń qazylar alqasyna engen grýzın kınorejısseri, ssenarısti, jazýshy ári pedagog Iraklıı Kvırıkadze, montaj rejısseri Sılvan Kýtandın, reseılik aktrısa Elvıra Bolgova, qyrǵyz kınorejısseri, ssenarıst jáne prodıýser Temirbek Birnazarov, sondaı-aq, otandyq rejısser Sábıt Qurmanbekov uzaq talqylaýdan soń «Bastaýdyń» júldelerin bylaısha belgiledi:

Gran-prı reseılik rejısser Adam Dýnaevtyń «Záýre týraly hattaryna»,  qazylar alqasynyń arnaıy júldesi qazaqstandyq rejısser Danııar Ázimovtiń «Álem adamyna», «Er adam rolin úzdik somdaǵany úshin» júldesi túrkııalyq Ahmed Varlıdiń «Keshegi qaldyq» fılmine, «Áıel adam rolin úzdik somdaǵany úshin» júldesi ózbekstandyq aktrısa Elmıra Rahımjonovaǵa «Ana» fılmi úshin, «Úzdik operatorlyq jumys» júldesi reseılik Vahtang Khýbıtıaǵa «Aıqaı» fılmi úshin, «Úzdik ssenarıı»  Ońtústik Koreıadan kelgen Iıe Kımniń «Birge baramyz» derekti fılmi úshin, qazylar alqasynyń arnaıy atalymy  Germanııa rejısseri Sıne Koleniń «Ashyq aspandaǵy sımfonııa» fılmi úshin tabystaldy. Al «otandyq kınematografııaǵa qosqan úlesi jáne Qazaqstannyń jas kınematografısterin ósirgeni úshin» júldesi tanymal rejısser Dárejan О́mirbaevqa berildi.  Oraz Ábishev atyndaǵy júlde «Atakásip» derekti fılminiń rejısseri Berik Jahanovqa buıyrdy.

«Bastaýdyń» negizgi qazylar alqasymen qatar Belorýssııa, Qyrǵyzstan, Reseı jáne Qazaqstannyń ókilderi toptastyrylǵan stýdenttik qazylar alqasy da jumys istegen bolatyn. Bul qazylar alqasyn VI halyqaralyq «Bastaý» kınofestıvaliniń Bas júldesin jeńip alǵan ıspanııalyq rejısser Iаgo Mateo basqardy. Stýdenttik qazylar alqasynyń Gran-prıin Qazaqstannan qatysqan Álisher Jádigerovtiń «Otaý» fılmine tabystap, erekshe atalymdy sıngapýrlyq rejısser Teng Van Sınniń «Aq qalampyr» kartınasyna berdi.

Aıta ketelik, «Bastaý» kınofestıvali aıasynda qazylar alqasy jáne festıval qonaqtary sheberlik sabaqtaryn ótkizip, shyǵarmashylyq kezdesýlerge qatysty.  Máselen, negizgi qazylar alqasynyń múshesi Elvıra Bolgova T.Júrgenov atyndaǵy QazUО́A stýdentterimen kezdesti, al otandyq rejısser Ádilhan Erjanov «Turan» ýnıversıtetiniń tálimgerlerimen áńgimelesip, tájirıbesimen bólisti. «Mosfılmniń» dybys rejısseri Marına Nıgmatýllına jáne kınooperator, Ýkraınadaǵy Karpenko-Karıı atyndaǵy ýnıversıtettiń ustazy Evgenıı Fılıppov sheberlik saǵatyn ótkizip, jınalǵandarǵa mamandyqtarynyń erekshelikteri jaıynda sóz etti. Sondaı-aq, «Bastaý» festıvali aıasynda «Kınematograf, medıasala jáne áleýmettiń rýhanı jańǵyrýyndaǵy aqparattyq  qaterler» taqyrybymen halyqaralyq ǵylymı-tájirıbelik konferensııa ótti.

Aıgúl AHANBAIQYZY,

«Egemen Qazaqstan»

ALMATY

Sońǵy jańalyqtar

Erlikti el bilýi tıis!

Qoǵam • Keshe

Sapardaǵy syr

Rýhanııat • Keshe

Aqańnyń amanaty

Rýhanııat • Keshe

Atyraýda qarjylyq buzýshylyqtar anyqtaldy

Aımaqtar • 21 Qarasha, 2019

Erjan Maksımge qalaı daýys berýge bolady

Qazaqstan • 21 Qarasha, 2019

«Eńbekshi qazaq» basqarmasy

100 • 21 Qarasha, 2019

Azamattyq ustanymym qalyptasty

100 • 21 Qarasha, 2019

«Eńbekshi qazaqtyń» 1000-shy sany

100 • 21 Qarasha, 2019

Taralym hám qaralym

100 • 21 Qarasha, 2019

«Egemen» esten shyqpaıdy

100 • 21 Qarasha, 2019

Qandastarǵa qamqorlyq jasaǵan

100 • 21 Qarasha, 2019

Tarhan tekti redaktor

100 • 21 Qarasha, 2019

Jazyqsyz jazalanǵan jýrnalıster

100 • 21 Qarasha, 2019

Júz jyl

100 • 21 Qarasha, 2019

Jaqsy dástúr jalǵasa beredi

100 • 21 Qarasha, 2019

Ushqyr oılar ushqyndary

100 • 21 Qarasha, 2019

Úlken joldyń úzikteri

100 • 21 Qarasha, 2019

Investısııa – damý dańǵyly

Aımaqtar • 21 Qarasha, 2019

Uqsas jańalyqtar