Negizi, Toparǵa lımon kóshetteri 2000 jyly Máskeý, Táshkent jáne О́skemen qalalarynan jetkizilgen bolatyn. Qazir munda lımonnyń «Iýbıleınyı» jáne «Meıra» dep atalatyn eki túri ósiriledi.
Mundaǵy jemis aǵashtary qyrkúıekten bastap qańtar aıyna deıin ónim beredi de, kóktem shyqqansha demalady. Jylyjaı qyzmetkerleriniń aıtýynsha, lımon aǵashynan 100 kıloǵa deıin jemis alynady eken. Bir jylǵa shaqqandaǵy ortasha ónimdilik 40 tonnaǵa jýyqtaıdy. Aǵashtardan úzilip alynǵan sıtrýstar birden Qaraǵandy men Astananyń saýda núktelerine jetkiziledi.
Topar jylyjaıynda, sondaı-aq, mandarın, apelsın, greıpfrýt, anar, papaıa ósiriledi. Kofe men záıtún aǵashtary da bar. Osy kóktemde kıvı otyrǵyzylypty. Bıyl gýava, qurma, injir aǵashtary da táýir jemis bergen.
– Eń bastysy, óz isińe degen zor súıispenshilik bolý kerek. Aǵashtar da adam sekildi, aıaly alaqandy sezedi, – deıdi «Topar jylyjaılary» JShS-niń dırektory Sultan Mursálimov. – Olarǵa eń aldymen jaıly klımat týdyrý qajet: temperatýra birqalypty, tyńaıtqyshtar nárli bolsa ǵana táýir ónim jınaı alasyń.
Jylyjaı kesheniniń oranjereıasyna jyldyń dál osy mezgilinde, ıaǵnı kúzdiń aıaǵy jáne qystyń basynda kelgenniń jóni bólek. Syrttaǵy aıazdan boı tońyp, jylyjaıdyń ishine kirip kelgenińizde, ıran baǵyna tap bolǵandaı kúı keshesiz. Mundaı ekzotıkadan rýhanı lázzat almaý tipti de múmkin emes!
Qaırat ÁBILDA,
«Egemen Qazaqstan»
Qaraǵandy oblysy, Abaı aýdan
