Elordamyzdyń 20 jyldyǵyna arnalǵan festıvaldiń jabylý saltanaty Beıbitshilik jáne kelisim saraıynda ótti.
О́ner álemindegi daryndy jastar úshin úlken sahnaǵa jol ashatyn – «Shabyt» festıvali bıyl klassıkalyq mýzyka, halyq mýzykasy, estradalyq vokal, horeografııa jáne jýrnalıstıka boıynsha úzdikterdi tańdaǵan bolatyn.
«Jýrnalıstıka» atalymy boıynsha telejýrnalıst Nartaı Aralbaıuly bas júldege ıe boldy. Aqıqattyń aq-qarasyn sapaly saraptap, ózindik stılimen de, sóz saptaý mánerimen de kórermenniń ystyq yqylasyna bólengen júrgizýshi kópshilikke «Másele» baǵdarlamasymen tanymal.
Aıta keteıik, «Jýrnalıstıka» atalymy 6 jylǵy úzilisten keıin qaıta qosylyp otyr.
«Halyq mýzykasy» atalymy bıyl 3 seksııaǵa bólindi. «Úzdik qylqobyzshy» – Sholpan Sharapatova atansa, «Sherter, bas sherter» boıynsha Ádiljan Godjanov, «Prıma-qobyz» boıynsha Aıym Meıirhanova Gran-prı ıelendi.
«Horeografııa» atalymy boıynsha elimizdi álemdik arenada tanytyp júrgen «Naz» memlekettik bı teatry jeńiske jetti.
Meıirjan Keńesbaev, Aııa Ǵabbasova, Leonıd Mysovskıı jáne Baǵjan Esirkeptiń shekti kvarteti – «Klassıkalyq mýzyka» atalymynyń «úzdik «kameralyq ansambli» bolyp tanylsa, «Soqpaly aspaptar» boıynsha Gran-prı Arystan Ábildınge buıyrdy.
«Estradalyq vokal» atalymy boıynsha astanalyq Ahmet Sultanǵa teń keler ánshi bolmady.
XXI «Shabyt» halyqaralyq shyǵarmashyl jastar festıvaliniń eń basty júldesi – Prezıdent kýbogyna goboıshy Islam Álıev ıe boldy. Sonymen qatar ol «Klassıkalyq mýzyka: aǵash úrmeli aspaptar» atalymynda úzdik dep tanylǵan bolatyn.
Prezıdent kýbogyn tabystaǵan Astana qalasy ákiminiń orynbasary Ermek Amanshaev: «Bul festıvaldyń sapasy jyldan-jylǵa artyp, elimizdegi mádenı brendke aınalyp jatyr. Bıyl álemniń 10 eliniń talantty jastary elordada bas qosty. Qazylar alqasynyń quramynda 15 elden kelgen kórnekti mádenıet ókilderi bar. Barlyq qoldaý kórsetýshilerge alǵys bildiremin», dedi.
Halyqaralyq óner baıqaýynyń jeńimpazdary aqshalaı syılyqtarmen jáne «Shabyt» festıvaliniń dıplomdarymen marapattaldy.
Qarlyǵash QURAMYS,
«Egemen Qazaqstan»
