О́ner • 13 Qarasha, 2018

Babadan qalǵan baıraǵyn jyrdyń kóterip

285 retkórsetildi

Kókshetaýda «El birligi» qoǵamdyq birlestiginiń uıymdastyrýymen aımaqtyq jas aqyndar aıtysy ótti. Jyr saıysynda Kókshetaýdaǵy Kóken Shákeev atyndaǵy aqyndar mektebi men  Qyzyljardaǵy Erik Asqarov atyndaǵy aqyndar ortalyǵynyń shákirtteri ózara baq synasty. Shara músháıra jáne aıtys atalymdarynan turdy. 

Aıtys óneriniń aqtańgeri Kóken Shákeev atyndaǵy aqyndar mektebi­niń atynan jyr dodasyna Saıa Tursyn­bekqyzy, Dýman Samat, Erden Nurahmet, Abzal Jumabek qatyssa, Erik Asqarov atyndaǵy aqyndar ortalyǵynan Dıas Aıaǵan, Dáýlet Qurmash, Sara Qulahmet jáne Aqan seri atyndaǵy mádenıet kol­ledjinen Baǵzor Erbolqyzy óz óner­lerin ortaǵa saldy. Tórt jup bolyp aı­tys­qan órimdeı jastardyń ónerge de­gen qulshynysy jeńiske degen umy­tylysymen ushtasyp, tyńdarmandy qýant­ty.

Sahnada óz ónerin ortaǵa salǵan jas­tar da súıegine sóz sińgen, talabynan úmit kúttiretin deńgeıde eken. Alaman bol­ǵan soń alýan-alýan júıriktiń áline qaraı shabatyny da ras. Bul joly da bir qaınaýy ishinde, shıkilikter de kózge kórinip turdy. Bálkim daıyndyqtyń azdyǵy ma, joq álde, tájirıbeniń ju­tańdyǵynan ba áıteýir jeke basqa tıi­sý, synap-mineý, tipti shamdanyp, ashý shaqyryp, aıtar sózin umytyp jat­qandar da kezdesip jatty. Muny albyrt jastyqtyń qyzýy dep túısindik. Al aıtyskerlerdiń sahnada ózin-ózi ustaýy, ulttyq kıimderi, maqamy kelisti boldy. Ásirese qyzyljarlyq Dáýlet Qurmashtyń tapqyrlyǵy men oryndy ázili, utymdy uıqastary jyrsúıer qaýymdy tánti etti. Alqaly toptyń aldynda óner kórsetý ońaı emes. Júzdegen kórermenge ne aıtamyn, qandaı másele qozǵaımyn degen kókeıdegi kelisti oımen shyqpasań, sózden tosylyp, taban astynda sóz taýyp aıta almaýyń ábden múmkin. Qyz ben jigit aıtysynyń úl­gisin kórsetkenderdiń qatarynda Dáýlet Qurmash pen Baǵzor Erbolqyzy bar. Baǵ­zordyń: «Aldaryńa aqyn qyzyń kelip qaldy, Sara men Qyz Jibektiń jal­ǵasyndaı» degen sózine, Dáýlettiń: «Jibektiń jalǵasymyn dep otyr ǵoı, Tólegendeı brıllıanttyń bútinimin» degen jaýaby úılese ketti.

Joǵaryda aıtyp ótkenimizdeı, mú­sháıra jáne aıtys atalymdaryna bólin­gen sóz dodasy boıynsha saıysqa jas aqyn­dar kezektesip shyǵyp otyrdy. Olar­dyń arasynda mektep oqýshylary da bar. Ermek Júmın júrekjardy jyryn oqysa, Jansaıa Jumabekova kerbez Kókshetaýdy óleńine arqaý et­ken.  Bala aqynnyń «Saryarqa – júzik­­teı, Kókshetaý – gaýhary» degen óleń joldary ádemi órilgen.  О́ziniń jyr shýmaqtaryn oqyǵan Kóken ata mek­te­biniń oqýshylary Qarashash Uǵy­lan,­ Damır Baqytjan jáne Erik aqyn or­ta­­lyǵynyń shákirtteri Jarqanat Qı­naýhan, Abylaıhan Áshim­han­­­ulynyń da­ óleńderi de kóptiń kóńili­nen shyqty. 

Músháırada júldeli úshinshi oryndy Ermek Jumkeı, ekinshi oryndy Jarqanat Qınaýhan ıelendi. Jansaıa Jumabekova júldeli birinshi oryndy qanjyǵasyna baılady. Al aıtys atalymy boıynsha úshinshi orynǵa Dýman Samat, ekinshi orynǵa Abzal Jumabek laıyq dep tanyldy. Al sóz saptaýy men sýyrypsalmalyq qabiletimen kóp ishinen daralanǵan jas daryn qyzyl­jarlyq Dáýlet Qurmash bas júldeni ıe­lendi. Aıtys pen músháırada baǵyn sy­naǵan barlyq jas aqyndarǵa Alǵys hattar men «El birligi» qoǵamdyq birlestigi aty­nan ulttyq naqyshtaǵy syılyqtar tartý etildi. 

Baıqal BAIÁDIL,

«Egemen Qazaqstan» 

Aqmola oblysy

Sońǵy jańalyqtar

Nur-Sultanda kómir qory jetkilikti

Qazaqstan • Búgin, 15:13

21 jyl boıy qujatsyz júrgen

Aımaqtar • Búgin, 10:59

VII PR forýmy Almatyda ótti

Aımaqtar • Búgin, 10:45

Fermerdiń maýsymdyq tabysy qansha?

Aımaqtar • Búgin, 09:51

Jánibek aýdanynda et óndirý artty

Aımaqtar • Búgin, 09:26

MRT alýǵa jarty mıllıard jumsalǵan

Aımaqtar • Búgin, 09:21

Bas basylymnyń baıtaq belesi

Aımaqtar • Búgin, 09:08

Qaıta oralǵan qumarshyq

Aımaqtar • Búgin, 07:54

Termeshiler tereńnen terbedi

Ádebıet • Búgin, 07:52

Túrik kınolary tegin kórsetiledi

Qoǵam • Búgin, 07:47

«Arý» – kóz arbaǵan kórkemdik álemi

Rýhanııat • Búgin, 07:45

Haziretter qazynasy

Rýhanııat • Búgin, 07:43

«Speshranda» saqtalǵan...

Rýhanııat • Búgin, 07:26

«Tákappar eken qulja alma»

Qoǵam • Búgin, 07:23

Zań kerek!

Ekologııa • Búgin, 07:20

El qurmeti erekshe

100 • Búgin, 07:14

It júgirtip, qus saldy

Aımaqtar • Búgin, 07:12

Senim hám serpin

Rýhanııat • Búgin, 07:09

Ekologııany qorǵaýǵa adaldyq kerek

Ekologııa • Búgin, 07:03

Ǵarysh salasy jańa deńgeıge kóteriledi

Tehnologııa • Búgin, 06:38

Parasattylyq – basty nazarda

Aımaqtar • Búgin, 06:30

Hat qorjyn (14.11.2019)

Ádebıet • Búgin, 06:28

Kúrish suryptary suıylyp barady

Ekonomıka • Búgin, 06:24

Sıpaty bólek kýálik

Qoǵam • Búgin, 06:14

Altyn Adam Afınada

Qazaqstan • Keshe

Uqsas jańalyqtar