Qazaqstan • 14 Qarasha, 2018

Batys Qazaqstan oblysynyń Jánibek aýylynda 40 páter paıdalanýǵa berildi

152 retkórsetildi

Batys Qazaqstan oblysynyń eń shalǵaı jatqan aýdandarynyń biri – Jánibek aýylynda bir kúnde qospáterlik 20 úı paıdalanýǵa berildi. Memlekettik baǵdarlama boıynsha jańa páter alǵandardyń qatarynda kóp balaly otbasylar, jalǵyzbasty analar, ata-anasynan aırylǵandar, bıýdjet salasy qyzmetkerleri, taǵy basqa áleýmettik osal top ókilderi bar.

Naýryz kóshesinde qazdaı tizilgen bul úılerdiń mańaıy toı bolardaı abyr-sabyr. «Nurly jer» baǵdarlamasy boıynsha salynǵan ekipáterlik jıyrma turǵyn úıdiń qurylysy aıaqtalyp, jańa ıelerin taýyp jatyr. Aıtýly sharaǵa aýdan basshylarynan bólek, Batys Qazaqstan oblysy ákiminiń orynbasary Mırjan Satqanov arnaıy kelipti.

- Qurmetti jerlester! Barshańyzdy oblys ákimi Altaı Kólginovtiń atynan búgingi qýanyshtaryńyzben shyn júrekten quttyqtaımyn! Osynaý sharaǵa qatysqanyma ózim de qýanyshtymyn. Elimizde júzege asyrylyp jatqan «Nurly jer», «7-20-25» baǵdarlamalarynyń arqasynda óńir, aýdan turǵyndary baspanaǵa qol jetkizýde. Sonyń jemisin búgin ózderińiz de kórip otyrsyzdar. Osy turǵyn úılerdi salǵan merdigerge, oǵan atsalysqan barsha azamattarǵa alǵysymdy bildiremin. Páterlerińiz qutty bolyp, ishi balalardyń shat kúlkisine toly bolsyn! – degen Mırjan Munaıdaruly páter ıelerine baspana kiltin tabys etti.

Osy kúni 4 bólmeli sý jańa páterge ıe bolǵan azamattyń biri Shernııaz Shámshıdenov. 39 jasar Shernııaz Jánibek aýylyndaǵy memlekettik mekemelerdiń birinde qaraýyl bolyp qyzmet etedi eken. Bes balanyń ákesi. Balalarynyń aldy 7 synypta oqysa, kelinshegi Nadejda eki jasar kenjesin baǵyp úıde otyr eken.

- Osydan bes jyl buryn kóp balaly otbasy retinde turǵyn úı kezegine turyp edik. Mine, «Nurly jer» baǵdarlamasynyń arqasynda baspanaly bolyp jatyrmyn. Aýdan basshylaryna alǵysym sheksiz, - deıdi Shernııaz.

Jańa páter kiltin tapsyrǵan aýdan basshylary qazaq dástúrimen sý jańa úılerdiń birine kirip, dám tatyp shyqty. Bul – osy óńirge belgili ánshi Shynar Qaıypovaǵa berilgen úsh bólmeli páter eken.

- Men Jánibek aýdandyq mádenıet úıinde mádenı demalysty uıymdastyrýshy laýazymynda 17 jyldan beri eńbek etip kelemin. Otbasym, úsh balamyz bar. Jergilikti ákimdikten turǵyn úı surap, páter kezegine 4 jyl buryn turǵan edik. О́te qýanyshtymyz. Bul úılerdiń aı saıynǵy tólemi de kóp emes, 8-9 myń teńge aralyǵynda eken. Bıyl Jánibekte qonys toı kóp, - deıdi Shynar bizge.

Shynymen de Jánibek aýdanynda sońǵy eki jylda qurylys qarqyndy júrip jatyr. Byltyr 104 úıdiń qurylysy bastalǵan eken. Úsh páterli 8 úı, barlyǵy 24 baspana 2017 jyly-aq ıesin tapqan. Al bıyl sý jańa 80 páter tapsyrylyp otyr. Budan bólek, burynnan turǵan bir ǵımarat kúrdeli jóndeýden ótkizilip, taǵy 8 otbasy baspanaly bolǵan.

- Jánibek aýylynda bıyl tapsyrylǵan 40 úı qansha adamdy qýantyp, aýyldyń da sánin keltirdi. Jánibek aýylynyń eki shetinde sý jańa úılerden eki kóshe paıda boldy. Osydan bir aı buryn «Nurly Jer» baǵdarlamasy aıasynda salynǵan qospəterli 20 úıdiń qurylysyn merdiger «Real Stroi Ibvest» JShS aıaqtap, kiltin tapsyrǵan edi. Bul qurylysqa 286 mln. teńge qarjy bólingen. Osy úılerge ınjenerlik-ınfraqurylym júıesin júrgizýge jergilikti bıýdjetten 61 mln. teńge qarajat shyqty. Ol jumystardy «Sımvol», «Real Stroi Invest» fırmalary atqardy. Al búgingi 20 úıdiń qurylysyn «Qazqurylys servıs» JShS atqaryp shyqty. Buǵan el bıýdjetinen 298 mln. teńge, ınjenerlik-ınfraqurylym júıesin júrgizýge jergilikti bıýdjetten 80 mln. teńge qarjy bólindi. Jańa úılerdiń aýdany – 71 sharshymetr, - deıdi Jánibek aýdany ákiminiń orynbasary Birjan Meńeshov.

Qazbek QUTTYMURATULY

«Egemen Qazaqstan»

Sońǵy jańalyqtar

Uǵyna bilgenge – ult taǵdyry

Saıasat • Búgin, 06:57

Kóńilge medet bolǵan maqala

Rýhanııat • Búgin, 06:56

54 adam jazylyp shyqty

Koronavırýs • Búgin, 06:39

Qıyndyqpen birge jeńildik bar

Qoǵam • Búgin, 06:32

«Birlik joq jerde – tirlik joq»

Qoǵam • Búgin, 06:26

El bolyp eńseremiz

Saıasat • Búgin, 06:20

Jańa aýrýhana 12 kúnde salynady

Elorda • Búgin, 06:17

Daýyl «dertimizdi» anyqtap berdi

Aımaqtar • Búgin, 06:14

Býmerang

Rýhanııat • Búgin, 05:54

Qorǵaýshylarǵa da qoldaý qajet

Aımaqtar • Búgin, 05:46

Toıdyń sońy topyrlaǵan syrqat

Aımaqtar • Búgin, 05:43

Kıeli kitaptar: tyıymdar ne úshin jasalady?

Rýhanııat • Búgin, 05:34

Aqırekte – Arystan bab...

Tanym • Búgin, 05:33

Toqyma ónerkásibine tyń serpin kerek

Ekonomıka • Búgin, 05:22

Medısına ǵylymyn damytýǵa ne kedergi?

Medısına • Búgin, 05:15

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Uqsas jańalyqtar